რომან გოცირიძე: ყაზახეთის ამბები არც რუსეთის მოწყობილია, არც ჩინეთის და არც დასავლეთის. სხვა საკითხია, ვინ იხეირებს

ყაზახეთის ამბები არც რუსეთის მოწყობილია, არც ჩინეთის და არც დასავლეთის. სხვა საკითხია, ვინ იხეირებს. როცა პოლიტიკური კლასი არ არსებობს, ასეთი აჯანყებები მარცხით მთავრდება, მაგრამ მომავალს უკვალავენ გზას. – ამის შესახებ “ნაციონალური მოძრაობის” დეპუტატი რომან გოცირიძე სოციალურ ქსელში წერს, რითაც ეხმაურება ყაზახეთში მიმდინარე მოვლენებს.

უკანასკნელი ინფორმაციით, ყაზახეთის მთელ ტერიტორიაზე საგანგებო მდგომარეობა გამოცხადდა.

ყაზახური მედიის ცნობით, ყაზახეთის მთელ ტერიტორიაზე საგანგებო მდგომარეობის გამოცხადებამდე ცოტა ხნით ადრე სახელმწიფო ტელევიზია „ხაბარ 24″-ის ეთერში პირველმა ყაზახმა კოსმონავტმა, ყაზახეთის გმირმა ტოკტარ აუბაკიევმა განაცხადა:

“თუ ჩვენ ყაზახეთში არ გვაქვს საკმარი ძალა ჩასახშობად… მივმართოთ მათ, ვისთანაც ხელშეკრულება გვაქვს გაფორმებული. ეს არის კოლექტიური უსაფრთხოების ხელშეკრულების ორგანიზაცია (ОДКБ). ზედმეტი არ იქნება, თუ აქ კოლექტიური უსაფრთხოების ხელშეკრულების ორგანიზაციის ჯარები შემოვლენ”