აღმოსავლეთ საქართველოში 6-7 იანვარს უნალექო ამინდია მოსალოდნელი, სინოპტიკოსები 6 იანვარს ღამით ძლიერ ყინვას პროგნოზირებენ. ტემპერატურა ღამით -8 გრადუსამდე დაიწევს. დღე კი +14 გრადუსამდე გათბება. 7 იანვარს ღამით მცირე ყინვა -1 გრადუსია მოსალოდნელი, დღე კი +15 გრადუსი. ცვალებადი მიმართულების მცირე ქარს და 0 +13 გრადუს ტემპერატურას ელოდებიან 8 იანვარს.
უნალექო ამინდი თუმცა ძლიერი ყინვებია მოსალოდნელი 6-8 იანვრის პერიოდში აღმოსავლეთ საქართველოს მთიანეთში. ტემპერატურა -12 გრადუსამდე დაეცემა.
დასავლეთ საქართველოშიც უნალექო ამინდია მოსალოდნელი, ბარში უახლოესი 3 დღის განმავლობაში არც ყინვას ელოდებიან და ტემპერატურა 0 დან +16 გრადუსამდე იქნება. რაც შეეხება დასავლეთ საქართველოს მთიან რეგიონებს, აქ მომდევნო დღეებში ღამით ძლიერი ყინვა იქნება.
meteo.gov.ge-ზე გამოქვეყნებული ინფორმაციის თანახმად, თბილისში 6-დან 8 იანვრის ჩათვლით ნალექი მოსალოდნელი არაა. 6 იანვრის ღამით -3 გრადუსს ყინვას ელოდებიან. 7-8 იანვარს ტემპერატურა ამ დღეებში +2 დან +14 გრადუსამდე შუალედში იქნება.
კომენტარები