,,სამყაროს იმედები. მხოლოდ ამიტომ ღირს ცხოვრება, შვილები გაახარო”, – წერდა მსახიობი ნიკა ქაცარიძე ერთ-ერთ უკანასკნელ პოსტში. ის საუკეთესო მამა იყო და ოჯახურ ვიდეოებს ხშირად აქვეყნებდა. სოციალურ ქსელში დაწერილ კომენტარებზეც მტკივნეულად რეაგირებდა. ის ,,გზასთან” ყვებოდა:
-მაკომპლექსებს სოციალურ ქსელში კომენტარები. ამ ქვეყანაში კრიტიკა და ლანძღვა ერთმანეთში აქვთ არეული და ეს ჩემზე მოქმედებს. რამდენ ტკივილს უნდა გაუძლოს გულმა? სოციალურ ქსელში “ჩემი ცოლის დაქალების” გვერდზე შემთხვევით ჩემი და პაატა გულიაშვილის პერსონაჟ ბარხატაშვილებზე კომენტარები წავიკითხე და შევშფოთდი. ნუთუ ვერ ხვდებიან, რომ ზღვარს გადადიან? უკვე მსახიობებსაც გვეხებიან. ამ ყველაფერზე მაღლა უნდა დადგე, ყურადღება არ მიაქციო, მაგრამ ეს რთულია. ეს რომ შეძლო, ფსიქოლოგიურად ძალიან ძლიერი და გაწონასწორებული უნდა იყო. ჩემი ფსიქიკისა და ემოციის მქონე ადამიანისთვის ძნელია.
– რას ნანობთ?
– შემეძლო ბევრი მესწავლა, შეიძლებოდა დღეს თავისუფლად მცოდნოდა 5 უცხო ენა და არ ვიცი.
-ყველაზე დიდი სისუსტე…
-სისუსტეების მეტი რა მაქვს, მაგრამ ყველაზე დიდ სისუსტედ იმას მივიჩნევ, რომ სიმართლეს “ცივად” ვამბობ. თუ არ ვამბობ, სახეზე მაწერია. ეს ცუდია… შანსი რომ მქონდეს, შეცდომებს გამოვასწორებდი. ყველაზე ცუდი ის შეცდომებია, რომლებსაც ვეღარ გამოასწორებ, მაგრამ შეგიძლია მოინანიო.
– ამ წუთში ძალიან მინდა, ვიყო…
-დიდი ფულის პატრონი. ბევრ სიკეთეს გავაკეთებდი; ბავშვებს, მოხუცებს, გაჭირვებულ ადამიანებს დავეხმარებოდი.
– როცა მარტო ვარ…
-სულ ვოცნებობ, ვფიქრობ მომავალზე, ყველაფერს ლამაზ ფერებში ვხედავ. ჩემი ფიქრები ყოველთვის პოზიტიურია.
– ბედისწერის…
-არსებობის მჯერა.
– ადამიანი, ვის აზრსაც ყოველთვის ვითვალისწინებ…
-ყოველთვის ვერ ვითვალისწინებ, მაგრამ დედის აზრი ძალიან მნიშვნელოვანია.
წყარო: გზა
კომენტარები