“ამ საგამოძიებო კომისიას შექმნა არ უწერია, რადგან გახარიას პარტიამ უარი თქვა…” – ლევან იოსელიანი

პარტია ,,მოქალაქეები” მხოლოდ იმ შემთხვევაში დაუჭერს მხარს მიხეილ სააკაშვილის წამების ფაქტების შემსწავლელი კომისიის შექმნას, თუ ამის პარალელურად პარლამენტი  ,,ნაცმოძრაობის” ხელისუფლებაში ყოფნის დროს ჩადენილ დანაშაულებსაც გამოავლენს.

ლევან იოსელიანი:

ამ საგამოძიებო კომისიას, როგორც ვხვდები, შექმნა არ უწერია, რადგან გახარიას პარტიამ უარი თქვა, სხვა პარტიებმაც თავი შეიკავეს, საკმარისი ხმები არ გროვდება, მართლა ,,ქართული ოცნება” თუ დაუჭერს მხარს, მაშინ შეიქმნება.

თუ დავუჭერთ მხარს ამ კომისიის შექმნას, მაშინ პარალელურად დავუჭერთ მხარს იმ კომისიის შექმნასაც, რომელიც ,,ნაცმოძრაობის” მმართველობის პერიოდში ჩადენილი წამების ფაქტებზეც დაადგენს ჭეშმარიტებას.