ყაზახეთის მთავრობის გადადგომის ფაქტს ეხმაურება სოციალურ ქსელში პანკისის სპეცოპერაციისას დაღუპული თემირლან მაჩალიკაშვილის მამა მალხაზ მაჩალიკაშვილი.
მაჩალიკაშვილი მიიჩნევს, რომ მებრძოლი სულის ადამიანები არსებულ რეალობას არ ეგუებიან და მეზობელ ქვეყნებს საქართველომაც უნდა მიბაძოს.
„იყო გურჯისტანი გახდა ბიძინასტანი…
ის მივიღეთ, რისი ღირსებიც ვართ. ადრე მესმოდა ყველაზე მაგრები ქართველები ვართო… მეც არა ერთხელ მითქვამს, რომ ქართველი გამორჩეულად ძლიერი და მებრძოლია. ახლა კი ვრწმუნდებით იმაში, რომ ყველაზე „სლაბაკები“ ვყოფილვართ. აზერბაიჯანი ხომ ბევრჯერ მეტია საქართველოს ბიძინისტანზე, სომხებმა ხომ ბევრად გვაჯობა ეს უდავოა, ყირგიზეთი, თურქმენეთი ხომ ისედაც შორის არის ყველაფრით ბიძინისტანისგან. ხელისუფლების პატარა არასწორი ნაბიჯი და თავზე ამხობენ დედის ყველგან ყოფილ მოძმე ქვეყნებში.
ახლა ყაზახეთში უბრალოდ გაზის გაძვირებას რა მოყვა კი ხედავთ. ასე ხდება ყველგან სადაც მებრძოლი სულის ადამიანები ცხოვრობენ, ვისაც აქვს შნო დაიცვას თავისი კუთვნილი,”- წერს მალხაზ მაჩალიკაშვილი და საქართველოს მოსახლეობას უმოქმედობის გამო აკრიტიკებს.
“თქვენ კი იყავით და ეფერეთ ბიძინას, ვინც ბიძინისტები ხართ. დანარჩენი ქართველების ბედი თქვენ ხომ არ განაღვლებთ… ათმაგად გაძვირებული ცხოვრება, გაზი, შუქი, საწვავი, ყველა საყოფაცხოვრებო პროდუქტი კატასტროფულად გაზრდილი… სიკვდილი, მკვლელობა, შიმშილი, უსამართლობა, მონობა, მასმედიებზე თავდასხმა, ჟურნალისტების თუ ოპერატორების მკვლელობები, მკვლელების შეწყალება ან ციხიდან გაშვება, უდანაშაულობის პოლიტიკური მოტივით დაპატიმრება… მესამე პრეზიდენტის წამება მარტო იმისთვის, რომ რუსს ასიამოვნონ, ქვეყნის ტერიტორიების ყოველდღე დაკარგვა, შიშით ხმის არ ამოღება, ბიძინისტანის დაჩმორებული ქვეყანა, ქვეყნიდან შიმშილს გაქცეული, გადახვეწილი ქართველობა, ემიგრანტის კისერზე ჩამოკიდებული მოსახლეობა…
სხვა აქ რა უნდა მოხდეს ისეთი, რომ ბიძინისტანობიდან ისევ საქართველოში დავბრუნდეთ? რა თქმა უნდა დავცხოთ სამართლიანად – აი ეს უნდა მოხდეს რაც ახლა ყაზახეთში ხდება. ჩვენ მარტო სუფრაზე სადღეგრძელოებში ვართ ბრძოლის უნარიანები ისე როგორც ელისაშვილი სიზმრებში პულიმიოტით ხელში,“ – წერს მალხაზ მაჩალიკაშვილი.
ცნობისათვის, ყაზახეთში მთავრობა გადადგა. ქვეყნის პრეზიდენტმა, ქვეყანაში მიმდინარე მასობრივი საპროტესტო აქციების ფონზე მთავრობის გადადგომის შესახებ გადაწყვეტილებას ხელი მოაწერა. ინფორმაციას „დოიჩე ველე“ ავრცელებს. პრემიერ-მინისტრის მოვალეობის დროებით შემსრულებლად ალიხან სმილოვი დაინიშნა. მთავრობის წევრები ახალი მთავრობის ფორმირებამდე მოვალეობის შესრულებას გააგრძელებენ.
ყაზახეთის ქალაქებში მასობრივი საპროტესტო აქციები გაზის მომატებული ფასის გამო დაიწყო.
კომენტარები