კოვიდ19-ის საგანგებო სიტუაციის კომისარიულმა სტრუქტურამ, ჯანდაცვის სამინისტროსთან და სავაჭრო ფარმაცევტულ ასოციაციებთან შეთანხმებით, მიიღო გადაწყვეტილება Ffp2 ტიპის სამედიცინო ნიღბებზე ფასის დარეგულირების შესახებ.
ემილია-რომანიას გუბერნატორმა, სტეფანო ბონაჩინმა შეთანხმებას, რომ აფთიაქებში Ffp2 ტიპის ნიღაბი-რესპირატორი 0,75 ევროცენტად გაიყიდება, დადებითად შეაფასა სოციალურ ქსელში – ,,მივესალმები, რომ შეთანხმება მიღწეულია.”
ამ შეთანხმებიდან მალევე Coop-ის გაერთიანებამ მიიღო გადაწყვეტილება Ffp2 ტიპის სამედიცინო ნიღაბ-რესპირატორზე ფასი დაეწია და ერთი ცალის ღირებულება იქნება 0,50 ევროცენტი. Ffp2 ნიღბების გამოყენება საგანგებო მდგომარეობის დასრულებამდე (2022 წლის 31 მარტი) სავალდებულოა ყველა სატრანსპორტო საშუალებებში (ავტობუსების და მეტროების ჩათვლით), კინოთეატრებში, სტადიონებსა და მოედნებზე.
აღნიშნული ტიპის ნიღაბი-რესპირატორის გამოყენება სავალდებულოა საბაგირო მანქანების თუ გონდოლების გამოყენებისას, ასევე ხალხმრავალ ადგილებში, სადაც საფრთხის შემცველი სიტუაციაა.
ExclusiveTV.ge
კომენტარები