ისრაელი 9 იანვრიდან ვაქცინირებული და კოვიდგადატანილი ტურისტების მიღებას განაახლებს, – ამის შესახებ ინფორმაციას israelnationalnews ავრცელებს.
ჯანდაცვის სამინისტრომ განაცხადა, რომ შეამსუბუქებს შეზღუდვებს საჰაერო მიმოსვლაზე. ისრაელი მოგზაურებს, მიიღებს იმ ქვეყნებიდან სადაც ეპიდვითარება გართულებული არ არის.
მედიის ცნობით, ვაქცინირებული და კორონავირუსისგან გამოჯანმრთელებული პირები გათავისუფლდებიან კარანტინისგან, როდესაც PCR ტესტის უარყოფით პასუხს წარადგენენ.
ისრაელში დაბრუნებულ არავაქცინირებულ მოგზაურებს მოეთხოვებათ კარანტინში ყოფნა 14 დღის განმავლობაში
მომდევნო კვირიდან, ქვეყანაში შესვლის უფლება ექნებათ, დაბალი და საშუალო რისკის ქვეყნებიდან ვაქცინირებულ ან კორონავირუსისგან გამოჯანმრთელებულ ტურისტებს.
ქვეყანაში შესასვლელად ტურისტებს მოუწევთ სპეციალური ფორმის შევსება, ან უნდა აჩვენონ უარყოფითი PCR და სწრაფი ანტიგენის ტესტი.
არავაქცინირებულ ტურისტებს და „წითელი“ ქვეყნებიდან – მათ შორის აშშ-დან, გაერთიანებულ სამეფოდან და კანადიდან არ დაუშვებენ ისრაელში.
ჯანდაცვის სამინისტროს ცნობით, შეერთებული შტატები, დიდი ბრიტანეთი, არაბთა გაერთიანებული საამიროები, ეთიოპია, ტანზანია, მექსიკა, შვეიცარია და თურქეთი რჩებიან ისრაელის წითელ სიაში. ამ ქვეყნებიდან სტუმრებს შესასვლელად ისრაელის კომიტეტის წინასწარი სპეციალური ნებართვა სჭირდებათ.
კომენტარები