“სხვამ ისროლა და გამხიარულდა, ჩვენ კი ამოგვეწვა ყველაფერი” – რას წერს პიროტექნიკით დაზარალებული მოქალაქე

ოციალური ქსელის, “ფეისბუქის” ერთ-ერთ საჯარო ჯგუფში, მოქალაქე პიროტექნიკის შედეგად დამწვარი სახლის აივნის ფოტოებს აქვეყნებს:

“ესეც ჩვენი ახალი წელი. სხვა ისროლა და გამხიარულდა, ჩვენ კი ამოგვეწვა ყველაფერი.

ხალხო, გაუფრთხილდით საკუთარ და სხვის სიცოცხლეს”, – წერს ფეისბუქმომხმარებელი.

“ფორტუნა” დაზარალებულს დაუკავშირდა. კითხვაზე, ცეცხლი ნამდვილად პიროტექნიკის შედეგად გაჩნდა თუ არა, ლალი მაღლაკელიძე გვპასუხობს, რომ სხვანაირად ვერ გაჩნდებოდა.

როგორც ლალი მაღლაკელიძემ „ფორტუნასთან“ საუბარში აღნიშნა, შემთხვევა 31 დეკემბრის ღამით, თბილისში, მუხიანში მოხდა.

ამ დროს ბინის მეპატრონე დასავლეთში იმყოფებოდა. პიროტექნიკით გაჩენილი ხანძარი კი მეზობლებმა და სახანძროს ბრიგადებმა ჩააქრეს.

მისივე თქმით, დამწვარია აივანი, სადაც უამრავი ნივთს ინახავდა და ასევე დამწვარია კარ-ფანჯრები:

“სახლის შიდა ნაწილი სასწაულად გადარჩა, თუმცა ფანჯრები გატყდა. მეორე დღესვე ჩამოვედი და ასე დამხვდა”, – უთხრა “ფორტუნას” დაზარალებულმა.