ჟურნალისტთა საერთაშორისო ფედერაციამ გამოაქვეყნა ანგარიში, რომლის მიხედვით, 2021 წელს მსოფლიო მასშტაბით 45 ჟურნალისტი და მედიის თანამშრომელი მოკლეს საკუთარი სამსახურებრივი მოვალეობის შესრულების გამო.
მათივე ცნობით, 1991 წლიდან დღემდე, საკუთარი საქმიანობის გამო, მსოფლიო მასშტაბით სულ 2 721 ჟურნალისტი და მედიის თანამშრომელი მოკლეს.
ორგანიზაციის ანგარიშის მიხედვით, გასულ წელს აზია-წყნარი ოკეანის რეგიონში სამსახურებრივი მოვალეობის შესრულებისას მედიის 20 თანამშრომელი მოკლეს, ჩრდილოეთ და სამხრეთ ამერიკაში 10, აფრიკაში – რვა, ევროპაში – ექვსი, აღმოსავლეთის რეგიონში კი ერთი.
ორგანიზაციის ცნობით, გასულ წელს მედიის ყველაზე მეტი თანამშრომელი ავღანეთში მოკლეს, შემდეგ მოდის მექსიკა, ინდოეთი და პაკისტანი.
”ეს 45 კოლეგა, რომელიც წელს ძალადობის გამო დავკარგეთ, გვახსენებს იმ საშინელ მსხვერპლს, რომლის შეწირვას ჟურნალისტები მთელ მსოფლიოში საზოგადოების ინტერესების სამსახურში ყოფნისას აგრძელებენ, და ჩვენ ვალში ვართ წინაშე”, – განაცხადა ფედერაციის გენერალურმა მდივანმა, ენტონი ბელანჯერმა.
გარდა ამისა, 2021 წელს მთელ მსოფლიოში 365 ჟურნალისტი დააპატიმრეს.
კომენტარები