“ქალბატონო ფოტიგა, საქართველოში არამკითხე მოუფროსო ძიებს და დეიდებს ვერ იტანენ…” – ლევან ნიკოლეიშვილი

ანალიტიკოსი, ლევან ნიკოლეიშვილი, ევროპარლამენტარის, ანა ფოტიგას განცხადებას ეხმაურება და წერს:

“ჯერ ახალი წელი მაინც მოგელოცათ ქალბატონო ფოტიგა !!!
წესით და რიგით, დღეს 2022 წლის 1 იანვარს, პოლიტიკაზე არც უნდა ილაპარაკო და არც უნდა იკითხო, მაგრამ ძალაუნებურად თვალი მაინც გამექცა ახალი ამბებისაკენ, და ჰოი, საოცრებავ თურმე ევროპარლამენტარ ანა ფოტიგას 2021 წელი შეუჯამებია და საქართველოც არ დავიწყებია, ისე მის მშობლიური პოლონეთიც არ უნდა გამორჩენოდა, ბოლოს არც თუ ისე თბილ-ტკბილი ურთიერთობაა აქვს ევროკავშირთან. მაგრამ, როგორც ჩანს პოლონეთ-ევროკავშირის ურთიერთობებზე ქალბატონი ფოტიგა ფიქრობს ასე თუ ისე მოგვარებადია, ან თვითონ მორიგდებიან და გაერკვევიან. აი, საქართველოს შემთხვევაში კი: „2021 საქართველოსთვის ძალიან რთული აღმოჩნდა. დამდეგ შობა-ახალ წელს საქართველოს გადაედგას დიდი ნაბიჯი ევროპისკენ და მოეტანოს მეტი ურთიერთგაგება, უსაფრთხოება და კეთილდღეობა. პრეზიდენტ სააკაშვილს ვუსურვებ ჯანმრთელობას და თავისუფლებას, ქართველ თანამდებობის პირებს კი მაღალი პასუხისმგებლობის გრძნობას, საკუთარი მოქალაქეების მიმართ“. ე.ი. ევროპარლამენტარს, სააკაშვილის თავგამოდებულ გულშემატკივარს და ლობისტ მისი თავისუფლება სურს, შესაბამისად კი ხელისუფლებას პასუხისმგებლობისკენ მოუწოდებს (როგორც ნამდვილ მიშისტ არ მოსწონს!).

რა, საინტერესოა არა?! სააკაშვილის ბრალდებებს რა ვუყოთ ქალბატონო ფოტიგა? სასამართლო ხომ არ უნდა გადაწყვიტოს ეს ამბები (სწორედ პოლონეთის სასამართლოს შესახებ აქვთ სერიოზული დავა ევროკავშირსა და პოლონეთს, თქვენს ქვეყანას)? სტრასბურგის სასამართლო გაგებული გექნებათ, აი ევროპის ადამიანის უფლებების სასამართლო, ჰო, და სააკაშვილის შესახებ მათ ვერდიქტს რა ვუყოთ? მოკლედ გვაბნევთ ქალბატონო ფოტიგა თუ თქვენ ბრძანდებით გაურკვევლობაში? შევეცდები მე გაგარკვიოთ: ამ ქვეყანაში, საქართველოში, დიდი ისტორიის და კულტურის ხალხი ცხოვრობს, რომელსაც შესანიშნავი მეხსიერება გააჩნიათ-უყვართ სტუმარი, რომელსაც მხოლოდ აქ მიიჩნევენ, რომ ღვთის გამოგზავნილია (სტუმარი ღვთისაა!), მაგრამ საშინლად არ უყვართ, როცა მათ საქმეებში უაზროდ და უშნოდ ერევიან, არამკითხე მოუფროსო ძიებს, დეიდებსა და უფროსს მეგობრებს ხომ საერთოდ ვერ იტანენ… და ბოლოს ამ საახალწლოდ თქვენი მოყვარე სააკაშვილი გაიხსენეთ, არც თქვენ “მტერი”საქართველოს ხელისუფლება არ დაგვიწყებიათ, ისე, საქართველოს მოსახლეობაზე, რომ გეთქვათ რამე, ურიგო არ იქნებოდა, მაგალითად „ გილოცავთ ახალ წელს!“ რა ვქნათ, ასეთი ხალხი ვართ ეს ქართველები, თან პრემიერიც ისეთი გვყავს, რომელსაც თავის უფროსად თქვენ კი არ მიაჩნიხართ, არამედ მისი უდიდებულესობა ქართველი ხალხი!”