ცოტა ხნის წინ ტრაგედია დატრიალდა ანანურთან. მგზავრებით დატვირთული მიკროავტობუსი ხევში გადავარდა. ორი მგზავრი, რომელიც ადგილზე გარდაიცვალა, უცხო ქვეყნის მოქალაქე – დედა-შვილი არიან. ცოტა ხნის წინ კიდევ ერთი მგზავრის გარდაიცვალების შესახებ გახდა ცნობილი. ავტოსაგზაო შემთხვევასთან დაკავშირებით, „მთავარი არხი“ ახალი დეტალებს არკვევს. გავრცელებული ინფორმაციით, მიკროავტობუსში 9 მგზავრი იმყოფებოდა და ყველა მათგანი უცხო ქვეყნის მოქალაქე იყო. შემთხვევის შედეგად დაიღუპულთა შორის ერთი არასრულწლოვანია.მიკროავტობუსს ნივის მარკის მსუბუქი ავტომანქანა დაეჯახა, რის შედეგადაც ის 70 მეტრის სიმაღლიდან გადავარდა.
მსუბუქი ავტომობილის მძღოლი სავარაუდოდ, ნასვამ მდგომარეობაში იმყოფებოდა.
“მოვდიოდი გუდაურის მიმართულებით, წინ მიდიოდა აღნიშნული ნივა, მომიჭრა გვერდიდან დავარტყი და დარტმის შედეგად მე ინერციის შედეგად მარცხნივ გადავვარდი. მე არაფერი ვიცი, ჩემი ალკოტესტი ჯიბეში მაქვს, თამამად შემიძლია წარმოგიდგინოთ, რომ ნასვამი არ ვიყავი. ხრამში გადავიჩეხეთ მაქსიმალურად ვცდილობდი, რომ სწორად ჩავსულიყავი, მაგრამ გადატრიალდა მანქანა და ორიენტაცია მეც დავკარგე და იმ ხალხმაც, უკან რა მოხდა არ ვიცი, მაგრამ რომ გადმოვედი მანქანიდან ერთი პატარა ბიჭი ადგილზე იყო დაღუპული და ერთი ქალბატონი იყო,”- თქვა „მთავარ არხთან“ მიკროავტობუსის მძღოლმა.
შსს ცნობით, მომხდარზე გამოძიება 276 მუხლის 8 ნაწილით მიმდინარეობს. ამ მუხლის გათვალისწინებული ქმედება, რამაც ორი ან მეტი ადამიანის სიცოცხლის მოსპობა გამოიწვია, – ისჯება თავისუფლების აღკვეთით ვადით ექვსიდან ათ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.
კომენტარები