პოლიციამ ენერგეტიკისა და წყალმომარაგების მარეგულირებელი კომისიასთან ცოტა ხნის წინ „ლეიბორისტული პარტიის“ წევრი, მიშა ქუმსიშვილი დააკავა. ამასთან დაკავშირებით, „ლეიბორისტულიპარტიის“ ლიდერი შალვა ნათელაშვილი სოციალურ ქსელში წერს.
„როგორც ახლა გახდა ცნობილი დენის გაძვირების საწინააღმდეგო ლეიბორისტების აქციაზე სემეკთან გატაცებული ჩვენი ახალგაზრდულის ლიდერი მიშა ქუმსიშვილი გადაყვანილია წინასწარი დაკავების იზოლატორში 48 საათით. სამაგიეროდ ბიძია ივანიშვილს მიშას თანატოლი თავის შვილებისთვის ნაგასაკიდან მზარეულთა ახალი ბრიგადა ჩამოსდის საახალწლო დელიკატესების მოსამზადებლად. ფუი თქვენი,ფურთხის ღირსებიც არ ხართ. ქვეყანაში გაქანებული დიქტატურაა,გამოფხიზლით,გაიღვიძეთ“- წერს ნათელაშვილი.
ცნობისთვის, სემეკის სხდომა ამ დრომდე მიმდინარეობს. სხდომაზე ტარიფებს გადახედვის პროცესი მიმდინარეობს. დავით ნარმანიას განცხადებით, ტარიფის ზრდა არ იგეგმება.
კომენტარები