“მთელი წელია იმეორებს ღარიბაშვილი, გვაქვს შესაძლებლობა გავხდეთ ლუქსემბურგი და ლუქსენბურგში საზოგადოებრივი ტრანსპორტი სრულიად უფასოა” – ლორთქიფანიძე

პოლიტოლოგი, ლევან ლორთქიფანიძე:

“მთელი წელია იმეორებს ირაკლი ღარიბაშვილი: “საქართველოს აქვს შესაძლებლობა გახდეს აღმოსავლეთის ლუქსემბურგი”

2020 წლიდან ლუქსენბურგი არის პირველი ქვეყანა მთელ მსოფლიოში, სადაც საზოგადოებრივი ტრანსპორტი სრულიად უფასოა.

უფასოა, რადგან სურთ შეამცირონ ჰაერის დაბინძურება და საქალაქო ხმაური, უკეთ დაიცვან გარემო და ყველა სფეროდან წვლილი შეიტანონ კლიმატის კრიზისის შედეგების დაძლევაში.

უფასოა, რადგან სურთ ხელი შეუწყონ საზოგადოების სოციალურ ინტეგრაციას, ადამიანების ადვილად გადაადგილებას, გადაარჩინონ ქალაქები საცობებს. ზრუნავენ საპარკინგე ადგილების დაზოგვაზე, მათ ადგილას პარკების გაშენებაზე და ა.შ. მათი მიზანია, რომ ყველას ყველგან შეეძლოს მისვლა დაუბრკოლებლად, ზედმეტი ხარჯების გარეშე.

“ქართული ოცნება” კი ლუქსენბურგისკენ სვლას იწყებს ერთჯერად მგზავრობაზე ფასის გაორმაგებით, 100%-იანი ზრდით.

თან გვეუბნებიან, თუ სოციალურად დაუცველი და ვეტერანი არ ხარ, არც სკოლის მასწავლებელი ან მოსწავლე, სადღაც გადადებული გექნება 250 ლარი, რომ არ გაგიძვირდეს ყოველდღიური ხარჯიო. თუ არ გაქვს, ბანკიდან ვალი უნდა გამოიტანო, რათა კალაძეს საბიუჯეტო პარამეტრების გაუმჯობესებაში დაეხმარო, საფინანსო ინსტიტუტებს კი დამატებითი პროცენტები უხადო.

პურის დაბალ ფასზე, ტრანსპორტის დაბალ ფასსზე მთავრობამ უნდა იზრუნოს! ბაზისური სიკეთეები მაინც უნდა იყოს ხელშეუხებელი!”