საფრანგეთის მთავრობამ კოროვირუსის პანდემიის წინააღმდეგ საბრძოლველად რიგი ახალი ზომები დაამტკიცა. გაუარესებული ეპიდემიოლოგიური სიტუაციის გათვალისწინებით, სპორტულ ღონისძიებებზე დასწრება შეიზღუდა.
კერძოდ, მომავალი კვირიდან სპორტულ ღონისძიებებს ღია ცის ქვეშ დაესწრება მაქსიმუმ 5 ათასი მაყურებელი, ხოლო შიდა სივრცეში – 2 ათასი.
აღნიშნულია, რომ ამ შეზღუდვების საბოლოო ხანგრძლივობა ჯერ არ არის დამტკიცებული. ყველაფერი COVID-19-ის გავრცელების შემდგომ დინამიკაზე იქნება დამოკიდებული.
გარდა ამისა, საფრანგეთში შეზღუდვების ფარგლებში იხურება ღამის კლუბები, ქალაქების ცენტრებში პირბადეების გამოყენება სავალდებულო ხდება, მოქალაქეებს, რომლებსაც დისტანციურად მუშაობა შეუძლიათ, სახლიდან მუშაობა კვირაში მინიმუმ სამ დღეს მოუწევთ.
მოქალაქეების დაინფიცირებისგან დაცვის უზრუნველყოფის მიზნით, “ბუსტერით” აცრის პერიოდი 3 თვემდე მცირდება.
ამასთან, პარლამენტი განიხილავს კანონპროექტს, რომლის თანახმად, 15 იანვრიდან საფრანგეთში, საჯარო სივრცეში შესასვლელად მხოლოდ ტესტის უარყოფითი პასუხი საკმარისი აღარ იქნება და საჭირო გახდება ვაქცინაციის დამადასტურებელი კოვიდ საშვის წარდგენა.
კომენტარები