თათია ბადურაშვილი ახალგაზრდა შემოქმედია. მას აქვს ხელნაკეთი აქსესუარების ბრენდი ,,ზიზია” და თავის პროდუქციას ყიდის. გუშინ რუსთაველზე გამართულ გამოფენაში მონაწილეობდა, სადაც თაღლითის მსხვერპლი აღმოჩნდა.,,ძალიან განერვიულებული ვარ. გამოფენაზე რუსთაველის გამზირზე ვიღებდი მონაწილეობას (ხელ-ფეხს ვეღარ ვგრძნობდი, სახლში მოსული ისეთ სიცივეში ვიდექი 3 დღე) საშობაო ბაზრობაზე. დღის ბოლო უკვე გადაღლილი ვიყავი და თან ვალაგებდი ნივთებს, როდესაც მოვიდა ერთი ბიჭი. ხელში 8 პარკი მაინც ეჭირა, ხელნაკეთი ნივთები ჰქონდა (შეძენილი).დაიწყო არჩევა გოგოს აბადოკის და თან დახმარებას მთხოვდა, რომელი უფრო უკეთესი იყო. ბოლოს ავარჩევინე. ამ დროს სხვებიც მოვიდნენ სტენდთან, თან მათ ვპასუხობდი და მომაწოდა ამასობაში 100 ლარიანი. ამ გადაღლილზე და პლუს სიჩქარეში აღარ გავშალე თანხა და პირდაპირ დავუბრუნე ხურდა და, რა თქმა უნდა, ლამაზად შეფუთული საჩუქარიც.ეგ იყო ბოლო მომხმარებელი, ავალაგე და წამოვედით. ცოტა ხანში მივედი აპარატთან, რომ თანხა შემეტანა ანგარიშზე და ეს 100 ლარიანი (თან მხოლოდ ერთი მქონდა 100 ლარიანი) არაფრით მიიღო აპარატმა. დავაკვირდი და ყალბია.ვაპირებ, ამოვაღებინო პოლიციას კამერის ჩანაწერები. ზუსტად ვიცი დროც, ასე 9:15-დან 9-20 წუთამდე პერიოდში შემოირბინა ბიჭმა, ყველანაირად ვეცდები, რომ ასეთ ადამიანებს არ შერჩეთ პატიოსანი შრომით ნაშოვნი ფულის ასეთ არაკაცურად მოპარვა. თუ ვინმე კითხულობთ ამ პოსტს, ვინც 25 დეკემბერს იყავით სთოლის გამოფენაზე და შეგემთხვათ ასეთი რამ, გთხოვთ მომწეროთ”, – დაწერა თათიამ პოსტი ფეისბუქჯგუფში ,,სასოწარკვეთილი მომხმარებლები”.
კომენტარები