“ეშმაკებს ვებრძოლოთ, მაგრამ არა მათთან დიალოგის, შერიგებისა თუ თანამშრომლობის გზით. ამოგიხტა ეშმაკი – ჯვარი გადასახე, არ გაქრა? დაბლოკე,” – ამის შესახებ სოციალურ ქსელში წერს ექსპერტი დავით ქართველიშვილი.
როგორც ექსპერტი აღნიშნავს, უმძიმესი წლის ბოლოს ფსიქოლოგიურად გადაღლილმა მოსახლეობამ სიმშვიდე აირჩია.
“ფსიქოლოგიური თვალსაზრისით გარდაუვალი პასიური პერიოდი შემოვიდა, რასაც უმძიმესი წლის ბოლო ჰქვია. გადაღლილია პლანეტა, დაქანცულია ორგანიზმი – ფიზიკა, ფსიქიკა, ნერვები ითხოვენ აუცილებელ დასვენებას, მომავალი გადაწყობის, “რესტარტის” წინ, რათა ამჟამად უკვე 2022-ს გავუმკლავდეთ. თუმცა, ვინ როგორ და ვის როგორ – ბევრს პირიქით, 2022 გაუმკლავდება სამწუხაროდ.
არც გორიდან ისმის ინტენსიურად “ინფორმბიუროს” მონაცემები, არც მოშიმშილეთა კარვებიდან – მარკეტინგული თვალსაზრისით ძალზე წამგებიანი დრო აირჩიეს.
ქარიშხალის წინ წინასაახალწლო სიმშვიდეა. წუთისოფელმა ფერი იცვალა, დრომ – ქრონომეტრაჟი. რთულად ეგუება ფსიქიკა იმას, რომ – ბასტა! “ძველებურად” აღარაფერი აღარ იქნება – უნდა გადავეწყოთ ინდივიდუალური გადარჩენის რეჟიმებს.
გადარჩენილებმა – ერთმანეთთან მჭიდრო რეალური და ვირტუალური კავშირი დავამყაროთ და ერთობლივად, ქვეყანაც გადავარჩინოთ.ავთვისებიან უჯრედებს ნუ ჩავათრევინებთ თავს ფუჭ და დამღუპველ გარემოში – ეშმაკებს ვებრძოლოთ რა თქმა უნდა, მაგრამ არა მათთან დიალოგის, შერიგებისა თუ თანამშრომლობის გზით. ამოგიხტა ეშმაკი – ჯვარი გადასახე, არ გაქრა – დაბლოკე. ენერგიას და დროს ტყუილად ნუ დახარჯავთ. აუცილებლად დაისვენეთ და 20 იანვრის შემდეგ – ინტენსიურად გავაგრძელოთ. მანამდე კი – ცოტა “ლაითად”.- წერს დავით ქართველიშვილი.
კომენტარები