დედოფლისწყაროში, სუპერმარკეტების ქსელ “იოლი”-ს გახსნის ცერემონიაში მონაწილე ბავშვები უსაჩუქროდ დატოვეს. ამის შესახებ სოციალურ ქსელში, თავად ბავშვების მშობლები წერენ.
ობიექტი 23 დეკემბერს გაიხსნა. ადგილობრივ ფილიალს მსახიობი ლევან ჯიბღაშვილი კურირებს.
სუპერმარკეტის გახსნის ცერემონიას ცეკვებით აფორმებდა ლევან ჯიბღაშვილის დედის, ნონა ჯიბღაშვილის საბავშვო ანსამბლი. ანსამბლის წევრები ღონისძიების შემდეგ უსაჩუქროდ დარჩნენ, რამაც ღონისძიების მონაწილეთა მშობლების უკმაყოფილება გამოიწვია.
მშობლების ნაწილი წერს, რომ ბავშვებს ანსამბლიდან გაიყვანენ.
„ჩემი შვილი მიიწვიეს და ესეც თავისი საქმის ძლიერ მოყვარული “მირბის” ყოველ კონცერტზე და სრულიად აუნაზღაურებლად, უსაჩუქროდ ბრუნდება უკან… როდის უნდა გაიგოთ, რომ ადამიანების დრო და ენერგია ფულია? რატომ გინდათ ყველაფერი უფასოდ ამ ქვეყანაში? მიუხედავად ბარბარეს მწველი სურვილისა, რომ გააგრძელოს აქ ცეკვა, გამოეთიშება ჯგუფს და შესაფერის ადგილას გააგრძელებს მოღვაწეობას“ – აღნიშნავს მშობელი, თეო წიკლაური.
ეს ბავშვები რაიონს ამშვენებენ და სილამაზეს ასხივებენ. ნუთუ ამ ახალ მაღაზიის ხელმძღვანელობას ეს აზრადაც არ მოსვლია, რომ ამ საახალწლო ფორმაში გამოწყობილ გოგონებს ტკბილეულით დაასაჩუქრებდა. აქ ყურადღებაა მთავარი და პატარების წახალისება,“ – ამბობს ლია ბერიძე.
„კარგი იქნება, თუ ბავშვების წახალისებას ვისწავლით სხვადასხვა ფორმით. იმისათვის, რომ ჩემი შვილი დამოუკიდებლად ადრე ადგომას და ლოგინის გასწორებას მივაჩვიო, მისი წახალისებაც კი მიწევს და მით უმეტეს, როდესაც კომპანია გეგმავს რაიმე აქტივობას, იქ მონაწილეებზე უნდა იყოს გათვლილი პატარა-პატარა საახალწლო საჩუქრები მაინც.“ – მიიჩნევს ქეთი ქადაგიძე.
კომენტარები