„მეც კი ვაკრიტიკებდი ქართული პარტიების სტრუქტურას, მათ რეკრუტირების წესებს თუ უწესობას, შიდა დემოკრატიის სისუსტეებს. მეც მისწავლია ევროპული პარტიების ანა-ბანა. მაგრამ მერე მივხვდი, რომ ასეთი შედარებები და წუწუნი უდროოა, არაადეკვატურია,“- წერს სოციალურ ქსელში ყოფილი პარლამენტარი დავით დარჩიაშვილი და აღნიშნავს, რომ ახლა, შექმნილი მდგომარეობიდან გამომდინარე პარტიების მიმართ პრეტენზიების და ბრძოლის მეთოდების დაწუნების დრო არ არის.
დარჩიაშვილის მიაჩნია, რომ საზოგადოებამ არსებული პარტიებიდან უნდა აირჩიოს სასურველი და რეალობის შეცვლისათვის ბრძოლაში ასე მიიღოს მონაწილეობა.
„პირველი რიგის ამოცანა არის სახელისუფლო ავტორიტარიზმის დასრულება. ქართული პოლიტიკური ტრადიციიდან და შექმნილი ვითარებიდან გამომდინარე, ამ ბრძოლაში პერსონალური გავლენები, გამბედაობა და ხარიზმაა მთავარი.
ასეთი პარტია არ მინდა და ისეთი მინდა – დღეს სახლში ჯდომის ექსკიუზად ჩანს და მეტი არაფრად. არც თქვენ, კრიტიკოსნო, არ შექმნით არანაირ იდეალურ პარტიას და არც ციდან არ ჩამოგივარდებათ იგი.
ამიტომ, რაც არის, იქიდან აირჩიეთ. ან იყავით სახლში და უთქვენოდ გადაწყდება, შეინარჩუნებს საქართველო დასავლურ ვექტორს თუ არა,“- წერს დავით დარჩიაშვილი.
კომენტარები