სამხრეთ კორეის ყოფილი პრეზიდენტი შეიწყალეს

სამხრეთ კორეის ყოფილი პრეზიდენტი პარკ გეუნ-იე, რომელიც 20-წლიან სასჯელს იხდიდა, შეიწყალეს. ინფორმაციას The New York Times ავრცელებს. 

სამხრეთ კორეის იუსტიციის სამინისტროს ცნობით, ყოფილი პრეზიდენტის შეწყალება სოციალური კონფლიქტების მოგვარების მიზნით მოხდა.

პარკ გეუნ-იეს გარდა ამნისტია 3 000-ზე მეტ მსჯავრდებულს შეეხო.

შეწყალებისას ყოფილი ლიდერის ჯანმრთელობის მდგომარეობა გაითვალისწინეს. მხრისა და წელის ქრონიკული ტკივილის გამო პარკ გეუნ-იეს საავადმყოფოში წელს სამჯერ გადაიყვანეს.

პარკ გეუნ-იეს, რომელიც კორუფციის მუხლით გაასამართლეს, თავისუფლების 20 წლით აღკვეთა ჰქონდა მისჯილი.