ოჯახი ამ დრომდე ცდილობს დაადგინოს, სად იმყოფება სოფელ იორმუღანლოდან გატაცებული 14 წლის გოგო. მას 24-ე დღეა, ვერ მიაკვლიეს.
ინფორმაცია ვერ მიიღეს ვერც საგამოძიებო უწყებებისგან, თუმცა შინაგან საქმეთა სამინისტროში განმარტავენ, რომ მოზარდი უსაფრთხო გარემოშია და მის რეაბილიტაციაში სოციალური მუშაკია ჩართული.
ორგანიზაცია “საფარის” ხელმძღვანელი ბაია პატარაია მთავართან ყვება, რომ გოგო, იმ ბიჭის ბებიასთან იმყოფება, რომელმაც მოზარდი დაოჯახების მიზნით გაიტაცა, მაგრამ ამის შესახებ ინფორმაციას საგამოძიებო უწყება არ ასაჯაროებს.
“ჩვენი ინფორმაციით, ეს ბავშვი ახლა იმყოფება საქმროს ბებიასთან და ამ ე..წ საქმროს აქვს საშუალება, მოინახულოს, მივიდეს ხოლმე იმ სახლში. ვერანაირი გაგებით ეს ვერ ჩაითვლება ბავშვის უსაფრთხო ადგილსამყოფელად”, – ამბობს ბაია პატარაია.
ფაქტზე გამოძიება თავისუფლების უკანონო აღკვეთის მუხლით არის დაწყებული.
კომენტარები