,,ლეიბორისტული პარტიის” ლიდერი საქართველოს პრეზიდენტის მიერ ინიცირებულ ეროვნული შერიგების იდეას ბიძინა ივანიშვილის მორიგ ფარსს უწოდებს. ,,ტვ პირველთან” ინტერვიუში შალვა ნათელაშვილი აცხადებს, რომ ათონელის რეზიდენციაში სალომე ზურაბიშვილთან მოლაპარაკებებზე ბევრი ისეთი პირი მიდის, ვინც არაცნობადი სახეა.
პრეზიდენტთან შეხვედრაზე ბევრი ისეთი მიდის, ვალოდია ჯინჭარაძის არ იყოს, რომ ვერავინ ცნობდა კლასში. არავინ იცის, როგორ მოხვდა ის პოლიტიკაში, ან ამ პრეზიდენტად წოდებულ არსებასთან.
საერთო ჯამში, ეს ემსგავსება მორიგ ბიძინიადას, ეს არის ტრიუკი, სალომე ზურაბიშვილს ვინ კითხავს რამეს, საერთოდ ოჯახშიც კი ვერ აკეთებს გენერალურ დალაგებას, თუ ივანიშვილს არ ჰკითხა. ივანიშვილს პირდაპირი ტრანსლიაცია აქვს ზურაბიშვილის კაბინეტიდან და თვითონ კი არ ავალებს, ლილუაშვილის დახმარებით უგზავნის დავალებას.
ეს ეროვნული შერიგება მორიგი ფარსია, ივანიშვილი ცდილობს, სალომე ზურაბიშვილის დახმარებით დრო გაწელოს და მივიდეს 2024 წლის არჩევნებამდე.- განაცხადა შალვა ნათელაშვილმა.
კომენტარები