პუტინი არ გვიტოვებს გზას, რომ ვითარება სამართლიან საფუძველზე განვმუხტოთ და რუსეთის ძალებმა უკან დაიხიონ – ეს განცხადება ნატო-ს გენერალური მდივნის ყოფილმა მოადგილემ, ალექსანდრ ვერშბოუმ „ატლანტიკურ საბჭოში“ გამართული დისკუსიისას გააკეთა.
„თუ აშშ დათანხმდება რუსეთთან საუბარს, ისე რომ კრემლი სამხედრო ძალებს უკრაინის საზღვრიდან უკან არ დახევს, ეს რუსეთის მიერ იქნება სისუსტედ აღქმული. ისინი ჩათვლიან, რომ მიიღეს, რაც სურდათ. ეს კი იქნება ტრაგიკული შეცდომა, რადგან მივიჩნევ, რომ ნატო-ს მოკავშირეებს შორის თანხმობა არსებობს. ირონიულია ის, რომ პუტინი წარმატებულად ახერხებს ნატო-ს გაერთიანებას, როგორც ეს 2014 წელს გააკეთა. რთული დასაჯერებელია, მაგრამ ნატო-რუსეთის ფუძემდებლური აქტის გაფორმებიდან 25 წლის შემდეგაც ჩვენ კვლავ ვისმენთ მოთხოვნებს, რომ რუსეთის საზღვრებთან სამხედროებისა და ბირთვული იარაღის დისლოცირება არ მოხდეს. ჩემი აზრით, კიდევ რჩება პატარა შანსი, რომ დავარწმუნოთ პუტინი, უკან დაიხიოს, მაგრამ ჩვენ უფრო ოსტატურად უნდა გავათამაშოთ ჩვენი კარტები, ვიდრე ამას ახლა ვაკეთებთ. ყველა შესაძლებლობა უნდა დარჩეს მაგიდაზე, მათ შორის ძალის გამოყენებაც“, – განაცხადა ვერშბოუმ.
1 tv.ge
კომენტარები