თბილისში, ვარკეთილში კაცმა 22 წლის ორსული ცოლი ქეთა კეპულაძე მოკლა. არსებული ინფორმაციით, გოგა გზირიშვილმა ცოლს ჭრილობა ცივი იარაღით მიაყენა. გავრცელებული ინფორმაციით, პოლიციამ გზირიშვილი მისივე შეტყობინების საფუძველზე დააკავა. დაკავებული კაცი წარსულში 2-ჯერაა ნასამართლევი, მათ შორის, ძალადობის ფაქტზე და მას ცოტა ხნის წინ გაუვიდა პირობითი მსჯავრის ვადა.
როგორც ირკვევა, 22 წლის ქეთი კეპულაძე ქმრის მხრიდან ფიზიკური და სიტყვიერი ძალადობის მსხვერპლი არაერთხელ გახდა. ის მკვლელობამდე ცოტა ხნით ადრე ნათესავის ოჯახს აფარებდა თავს, თუმცა მოგვიანებით წყვილი შერიგდა და ორსული ქალი ოჯახს დაუბრუნდა.
მომხდარზე გამოძიება სისხლის სამართლის კოდექსის 11 პრიმა/109-ე მუხლით დაიწყო, რაც გულისხმობს ოჯახის წევრის განზრახ მკვლელობას დამამძიმებელ გარემოებაში. უწყების ცნობით, მოკლული ქალის ქმარი პოლიციამ ცხელ კვალზე დააკავა
კომენტარები