მიმდინარე წლის 5 ივლისს, “თბილისი პრაიდის” ოფისში შეჭრისთვის ბრალდებული 3 პირი გირაოს სანაცვლოდ გათავისუფლდა.
გადაწყვეტილება საქალაქო სასამართლოს მოსამართლემ, დავით მგელიაშვილმა მიიღო.
ბრალდებულებს – გიორგი ოძელაშვილს, ალიკა ალაზოვსა და გიორგი ელისბარაშვილს 5 000-5 000-ლარიანი გირაო შეეფარდათ.
შეგახსენებთ, შინაგან საქმეთა სამინისტრომ ისინი 8 ივლისს დააკავა.
აღნიშნულ პირებს ბრალად ედებათ ჯგუფურ ძალადობაში მონაწილეობა, დევნა ძალადობით ან ძალადობის მუქარით და ასევე ბინის ან სხვა მფლობელობის ხელშეუხებლობის ჯგუფურად დარღვევა.
შსს-ს ცნობით, გამოძიებით ასევე დადგინდა, რომ ბრალდებულებმა ოფისის მფლობელების ნების საწინააღმდეგოდ უკანონოდ შეაღწიეს ოფისის აივანზე, რასაც მოყვა ძალადობა, რბევა, სხვისი ნივთის დაზიანება და განადგურება.
კომენტარები