პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძე ოპოზიციის მასობრივი შიმშილობის აქციის დაწყებას გამოეხმაურა და განაცხადა, რომ ეს უკვე პიროვნული კულტის სფეროში გადადის.
„თუ ინფორმაცია დადასტურდა, რომ მიხეილ სააკაშვილმა მხარდამჭერებისგან შიმშილობის დაწყება მოითხოვა, სამწუხარო ამბავი იქნება, რომ საქართველოში ერთ-ერთი მნიშვნელოვანი პარტიის წევრებს მათი ხელმძღვანელი აიძულებს, ჭამაზე უარი განაცხადონ.
ცოტა ხნის წინ ინფორმაცია გავრცელდა, რომ ჩრდილოეთ კორეაში, კიმ ჩენ ინმა 11 დღით სიცილი აკრძალა, ახლა მიხეილ სააკაშვილმა თავის თანაპარტიელებს ჭამა აუკრძალა. როგორ შეიძლება, ამაზე სერიოზული კომენტარი გავაკეთო? ეს ძალიან სამწუხარო ამბავია და თუ მართლაც ასეა, არ მახარებს ის, რომ მიხეილ სააკაშვილის დავალებით ამდენი ადამიანი შიმშილობის აქციას იწყებს. ეს უკვე პიროვნული კულტის სფეროში გადადის“, – განაცხადა ნიკოლოზ სამხარაძემ.
კომენტარები