აიცერით, ძალიან გთხოვთ. აცრა იმას არ ნიშნავს, რომ არ დაავადდებით, დაავადდებით, მაგრამ არ მოკვდებით, რეანიმაციაში არ მოხვდებით დამძიმებულნი. თქვენს ოჯახის წევრებს სიცოცხლეს შეუნარჩუნებთ. ორ კატეგორიად იყოფიან ადამიანები, ერთი – რომელიც თვითონ იღებენ პასუხისმგებლობას და აკეთებენ და მეორე კატეგორია – რომელიც ყოველთვის ელოდება ვიღაცის ინიციატივას, იმან უნდა გამიკეთოს, მომემსახუროს და… გამოდით ამ მდგომარეობიდან, ყველას გთხოვთ. იქ გამოგვიყენეთ, სადაც თქვენი ინიციატივის გვერდით დადგომაა საჭირო და ჩვენ არ გიღალატებთ. ყოველ შემთხვევაში, მე არ გიღალატებთ, სისხლს მოგცემთ საკუთარს. ცოდნა რაც მაქვს გინაწილებთ, მაგრამ ზოგი ღებულობს, ზოგი – არა. ზოგი ისეთ რამეს დაწერს, ფეისბუქზე ამ ჩემი გამოსვლის მერე… არ მეშინია ბატონებო ამ თქვენი ლაპარაკის, რაც გინდათ ის დაწერეთ, დამწყევლეთ. მწყევლის ბევრი, მაგრამ მე, აი, აბჯარი მაცვია ჩემი დამოუკიდებელი აბჯარი ჩემი მორალის, განათლების, თქვენდამი პატივისცემის და ამას მე ვისხლიტავ, ისევე, როგორც პოლიტიკურ ველზე – ამის შესახებ “ქართული ოცნების” დეპუტატმა, ლადო კახაძემ პარლამენტის პლენარულ სხდომაზე განაცხადა.
კომენტარები