„პრემიერ-მინისტრი ირაკლი ღარიბაშვილი თუ წავა, „ქართული ოცნება“ ჩამოიშლება“, – ასე უწინასწარმეტყველებს ასტროლოგი მიხეილ ცაგარელი მომავალ წელს მმართველ პარტიას.
ცნობილი ასტოროლოგი 2022 წელს პოზიტიურად უყურებს და for.ge-თან საუბარში აღნიშნავს, რომ მომავალ წელს ეკონომიკა აღმავლობას დაიწყებს და პანდემიაც მინელდება.
ბატონო მიხეილ ასტრლოგიურად 2021 წელს პოლიტიკურ ცხოვრებას როგორ შეაფასებდით, როგორი წელი იყო?
– საერთო ჯამში, საკმაოდ რთული წელი იყო. ეს ორი წელი 2020 და 2021 წელი საკმაოდ მძიმე იყო. გასულ წელს 6 მზის და მთვარის დაბნელება იყო, წელს კი 4 მზის და მთვარის დაბნელება გვქონდა. როდესაც ამდენი დაბნელებებია, ტრადიციულად სირთულეები მატულობს. ამ ყველაფერს კი პანდემია დაემატა, ასევე ეკონომიკის შეჩერება, პოლიტიკური კუთხით კი დაძაბულობამ იმატა. ეს სირთულეები გავიარეთ, რომელიც ამ დაბნელებებთან იყო დაკავშირებული.
2022 წელი პოლიტიკურად როგორი იქნება?
– 2022 წელი ამ მხრივ მსუბუქია. თუმცა, ვერ ვიტყვი, რომ დავისვენებთ და დავმშვიდდებით, ასე არ იქნება. ვეფხვის წელი მოდის და ვეფხვი ძალიან აქტიურია და ცვლილებები მოაქვს. ცვლილებები შეიძლება იყოს ვნებათაღელვასთან დაკავშირებული, როგორც პოლიტიკის, ისე რელიგიის სფროში. ასევე შესაძლოა გამოჩნდნენ ახალი ლიდერები, ახალი ორგანიზაციები. შესაძლოა, დაპირისპირება გაგრძლედეს, რადგან ვეფხვში აგრესიის ელემენტი არის. თუმცა, მაინც შედარებით უკეთესი წელი იქნება, ვიდრე 2021 წელია. ამასთან მზის და მთვარის დაბნელება სულ ორჯერ იქნება და ამ მხრივ უკვე კარგია. ეკონომიკა და ტურიზმი გამოცოცხლდება. საბანკო სფეროში ცვლილებები შევა. შესაძლებლობები უფრო მეტი და უკეთესი იქნება, მაგრამ სირთულეები და დაძაბულობა აუცილებლად იქნება. ასე ვთქვათ, პოლიტიკური ვითარება არ იქნება ისეთი, როგორიც ჩვენ გვინდა.
პოლიტიკურ ლიდერებსაც რომ შევეხოთ, თავდაპირველად პრემიერ-მინისტრი ირაკლი ღარიბაშვილისთვის როგორი წელი იქნება, დატოვებს პოსტს, რადგან გავრცელდა ინფორმაცია, რომ ის მიდის?
– პრემიერ-მინისტრის პირადი ჰოროსკოპი არ მინახავს, მარტო ზოდიაქოს ნიშნით ამაზე საუბარი არ შეიძლება. მაგრამ, „ქართულ ოცნებას“ ერთ რამეს ვეტყვი – თუ პრემიერ-მინისტრი წავა, მათ შეუძლიათ სრულ კაპიტულაციას ხელი მოაწერონ და ნელ-ნელა ძალაუფლებას დაემშვიდობონ. შემიძლია ეს პირდაპირ ვუწინასწარმეტყველო. „ქართულ ოცნებაში“ ხალხი ერთადერთი ვისაც ენდობა და ხმა ვისაც მისცა, დღესდღეობით ეს სწორედ დღევანდელი პრემიერ-მინისტრია.
თბილისის მერისთვის, კახა კალაძისთვის როგორი წელი იქნება?
– კახა კალაძეს ერთი სული აქვს აქედან გაიქცეს. უბრალოდ, ახლა საჭირო იყო და დარჩა. ზოგადად, დარჩა იმიტომ, რომ ბიძინა ივანიშვილსა და „ქართულ ოცნებას“ პატივი სცა, თორემ მილანში ძალიან კარგი პროექტები აქვს და იქ ელოდებოდნენ კიდეც. ნებისმიერ დროს წავა, როგორც კი „ქართული ოცნება“ წააგებს. „ქართული ოცნება“ კი აუცილებლად წააგებს, თუკი ირაკლი ღარიბაშვილს დაკარგავს.
ოპოზიციიდან ვის გამოყოფდით, ვის ექნება კარგი ან პირიქით ცუდი წელი?
– ასე რთულია სათქმელად, ვისთვის იქნება კარგი წელი, მისთვის პირადი ჰოროსკოპი უნდა შედგეს, რომელზეც მუშაობას დაახლოებით ერთი კვირა სჭირდება. ზოგადად, რაც შემიძლია გითხრათ, მაგალითად, სააკაშვილს დასავლური კალენდრით, მშვილდოსნიდან გამომდინარე, ცუდი წელიწადი არ აქვს, თუმცა, აღმოსავლური კალენდრით ის თხის წელიწადშია დაბადებული და მომავალი წელიწადი არ უვარგა. ზოგისთვის ცოტა უკეთესი და ზოგისთვის ცოტა უარესი წელი იქნება.
კომენტარები