“ოღონდ ეს სიტყვები უკან წაიღოს და გეფიცებით, ოდესმე ხმას არ ამოვიღებ” – თაკო ჩარკვიანის პირობა პრეზიდენტს

დეპუტატი, თაკო ჩარკვიანი, “ტვ პირველთან” ამბობს, რომ ის სალომე ზურაბიშვილს რამდენიმე დღეში უნდა შეხვდეს და საუბრობს სალომე ზურაბიშვილის ცნობილ გამონათქვამზე მიხეილ სააკაშვილის გათავისუფლებასთან დაკავშირებით, კერძოდ, შეგახსენებთ, პრეზიდენტმა თქვა: “არა და არასოდეს”.

თაკო ჩარკვიანი:

“თუ გადალახავს ბარიერებს და თავის ხასიათს გამოაჩნეს, მე ძალიან გამიხარდება. სალომე ზურაბიშვილს ზუსტად ამას ვეტყვი, რომ სამართლიანი სასამართო აუცილებელია და მიხეილ სააკაშვილი უნდა გათავისუფლდეს.

რაც შეეხება მის სიტყვებს, არა და არასოდეს, ოღონდ ეს სიტყვები უკან წაიღოს და გეფიცებით, ოდესმე ხმას არ ამოვიღებ, ოღონდ კი უკან წაიღოს ეს სიტყვები, მოახერხოს რომ ის რუბიკონი და ბარიერი გადალახოს… ნეტა წაიღოს, არავინ, არც ერთი ქართველი მოქალაქე არ ჩაუთვლის მას ამას უკან დახევად, როცა ეს შერიგებას და შეთანხმებას ეხება. როცა ეს ეხება ხალხს, უკან დახევად კი არა, ჩაეთვლება უსერიოზულეს ნაბიჯად, რომლის მაგვარი, მას თავისი მოღვაწეობის მანძილზე, ჯერ არ გაუკეთებია.”