“ვინც სააკაშვილი შესაძლო უმძიმეს გართულებამდე და ავადმყოფობების რეციდივამდე მიიყვანა, დედა და ბიძაა” – დავით ქართველიშვილი

საკუთარი კეთილდღების და ფინანსური პირამიდის შესაქმნელად – მათ საკუთარი შვილი და დისშვილი ისეთ “ოკეანეში” შეუშვეს გასაცურად, რაც მისთვის წმინდა სამედიცინო მაჩვენებლებით კატეგორიულად აკრძალული იყო – და ამით, გაწირეს კიდეც, – ამის შესახებ სოციალურ ქსელში წერს ექსპერტი დვაით ქართველიშვილი და მსოფლიოს ისტორიიდან მაგალითები მოჰყავს. 
მისი თქმით, თანდაყოლილი თუ შეძენილი ფსიქო-ნევროლოგიური დაავდების მქონე ადამიანებისთვის, განუზომელი ძალაუფლებისკენ ლტოლვამ, შესაძლოა ლეტალურ შედეგამდე მიიყვანოს.
რუბრიკიდან “ხდება ხოლმე” ანუ – “განა შენა ხარ პირველი” .
“თანდაყოლილი თუ შეძენილი ფსიქო-ნევროლოგიური ბაგაჟის მქონე ადამიანებისთვის, განუზომელი ძალაუფლება იმ კატალიზატორს წარმოადგენს, რომელმაც ავადმყოფი შეიძლება  ლეტალურ შედეგამდე მიიყვანოს. 
ისტორიამ ამის რამოდენიმე პრეცენდენტი შემოგვინახა:ნაბუქოდონოსორ II ბაბილონელი – ცხოვრების უკანასკნელი შვიდი წელიწადი მან უდაბნოში გაატარა. თავი მტაცებელი ცხოველი ეგონა.კალიგულა, რომის იმპერატორი – ცნობილი იყო სადიზმის, გაუკუღმართებული და აღვირახსნილი სექსისა და სხვა ექსტრავაგანტური ქცევებისადმი მიდრეკილებებით.
გენრიხ VI ინგლისელი – ქრონიკულმა მრავალწლიანმა ფსიქიკურმა აშლილობამ, ხან ლეტურგიაში, ხან რელიგიურ ექსტაზში ჩააგდო იგი. ასე წვალობდა, სანამ არ მოკლეს.
ჩჟენდე, ჩინეთის იმპერატორი – ერთობოდა ავანტიურისტული სამხედრო ლაშქრობებით, სადაც სარდლად ნიშნავდა თავის მოჩვენებით არარსებულ “ავატარს” და მას აძლევდა სამხედრო დავალებებს.
იოანა კასტილიელი, საფრანგეთის დედოფალი – ეჭვიანობის ნიადაგზე შიზოფრენიით დაავადებული ერთი უბედური ქალი.
იოანე მრისხანე, რუსეთის მეფე – რეფორმებისა და უსასტიკესი პოლიციური სისტემის დანერგვის მიუხედავად, სადისტური რეჟიმის შემქმნელი დიქტატორი.
რუდოლფ II, რომის იმპერატორი – ეს უმძიმესი მელანქოლიის მატარებელი მართველი, ამავდროულად იყო ცნობილი მეცენატი და ხელოვნების ნიმუშების კოლექციონერი.
გეორგ III ინგლისელი – ჰალუცინაციები, პარანოია, ფერმენტული აშლილობა, რაც ამ მართველმა მთელი ცხოვრების განმავლობაში გაატარა.
კარლოტა მექსიკელი, მექსიკის იმპერატორი – ცხოვრების უკანასკნელი წლები ფსიქიკური აშლილობის მთელი “ბუკეტით” იყო “დაჯილდოვებული”.
ლუდვიგ II ბავარიელი – მიუხედავად იმისა, რომ ამ მართველის მოწინააღმდეგეთა მიერ შედგენილმა კონსილიუმმა, იგი შეურაცხადად გამოაცხადა და ძალაუფლება ჩამოართვა, დღემდე არ არსებობს ისტორიული დასტური, რომ ექიმების მიერ ის ერთხელ მაინც იყო გამოკვლეული.
ასე რომ, ჩვენს შემთხვევაში – ვინც პაციენტი შესაძლო უმძიმეს გართულებამდე და ავადმყოფობების რეციდივამდე მიიყვანა – მისი უახლოესი გარემოცვაა: დედა და ბიძა პირველ რიგში. საკუთარი კეთილდღების და ფინანსური პირამიდის შესაქმნელად – მათ საკუთარი შვილი და დისშვილი ისეთ “ოკეანეში” შეუშვეს გასაცურად, რაც მისთვის წმინდა სამედიცინო მაჩვენებლებით კატეგორიულად აკრძალული იყო – და ამით, გაწირეს კიდეც.” – წერს დავით ქართველიშვილი.

gtmedia.ge