„შერიგება სინანულის გარეშე არის გარიგება“, – ამის შესახებ ჭყონდიდელმა მიტროპოლიტმა სტეფანემ დღეს, ქადაგებისას განაცხადა.
ჭყონდიდელი მიტროპოლიტის განცხადებით, შერიგება ცოდვების აღიარებისა და პრობლემების განხილვის გარეშე არის უბრალოდ მხარეებს შორის დადებული ზავი, რომელიც, მისი სიტყვებით, ხშირად, ომებით მთავრდება.
მეუფე სტეფანემ, ქადაგების დასრულების შემდეგ, მედიასთან განმარტა, რომ ამ სიტყვებს პოლიტიკური სარჩული არ აქვს და შერიგება ეხება არა მარტო პოლიტიკურ სუბიექტებს, არამედ – თითოეულ ადამიანს.
„თუ არავინ არ აღიარებს ცოდვებს, არ იხდის ბოდიშს და შერიგება და ურთიერთობების დალაგება სურს სუფთა ფურცლიდან, არის არასწორი“, – აცხადებს ის.
მიტროპოლიტი დღეს დიდი ჭყონის წმინდა ნიკოლოზის სახელობის ეკლესიაში იმყოფებოდა, სადაც, დღესასწაულთან დაკავშირებით, წირვა აღავლინა და მრევლი აზიარა.
კომენტარები