თუ გასამართლდი ისეთ დანაშაულზე, რომლის გამოც ევროკავშირის ქვეყნებში პოლიტიკას ტოვებენ, თქვენც უნდა დატოვოთ – ვის მიმართავს ამირან სალუქვაძე?

ანალიტიკოსი ამირან სალუქვაძე სოციალურ ქსელში შემდეგი შინაარსის პოსტს აქვეყნებს:

“პოლიტიკოსებს რა გჭირთ შესარიგებელი, უკანონო შეიარაღებული ფორმირება ხართ და უნდა შემოგირიგოთ? კანონს მიღმა ხართ და კანონის ფარგლებში უნდა მოგაქციოთ?
გამარჯობას ხომ ეუბნებით ერთმანეთს, გაბუტულები ხომ არ ხართ?!
რეალურად თქვენ უკანონო ბანდფორმირებებზე უარესები ხართ, რადგან მორალური სტანდარტების პრობლემები გაქვთ. წამებას თქვენ არ ერიდებოდით და კორუფციას. ომის ინვალიდების ფონდის ფულის დახარჯვა პირად გარემოცვაზე, ნორმად მიგაჩნიათ, რომელ ეთიკაზეა საუბარი?!. ამიტომ, თქვენთან სხვა პროცესია. შეთანხმების პროცესია და არა შერიგების.
ოღონდ დამნაშავეებთან შეთანხმების არა, არამედ ვისაც პოლიტიკაში ყოფნის მორალური უფლება აქვთ.ამიტომ, როგორც წინა პოსტში დავწერე, შეთანხმება უნდა მოხდეს ორი მიმართულები:1. უნდა შეთანხმდეთ წითელ ხაზებზე, რა მოსულა პოლიტიკაში და რა არა. თუ გასამართლდი ისეთ დანაშაულზე, რომლის გამოც ევროკავშირის ქვეყნებში პოლიტიკას ტოვებენ, თქვენც უნდა დატოვოთ. უნდა შეთანხმდეთ, რომ პოლიტიკური რყევები აზიანებს ქვეყანას, ეკონომიკას, მოქალაქეებს. პოლიტიკური პროცესი უნდა იყოს პარლამენტში. უნდა გამოხვიდეთ 90-ანებიდან.
2. უნდა შეთანხმდეთ სახელმწიფოს გაერთიანების და უსაფრთხოების განმტკიცების სტრატეგიებზე. დანარჩენ საკითხებზე შეგიძლიათ “დაჭამოთ” ერთმანეთი, ოღონდ კანონის და ეთიკის ფარგლებში და, რა თქმა უნდა, პარლამენტში და არა მის წინ“ – წერს სალუქვაძე.