“ტაბულას” დამფუძნებელი თამარ ჩერგოლეიშვილი გუდაურში 28 წლის თამაზ გორთამაშვილის მკვლელობაში ბრალდებული მერაბ კობიაშვილის მიმართ გამამართლებელი განაჩენის გამოტანას სოციალურ ქსელში გამოეხმაურა.
„ნაფიცი მსაჯულები! რეალურად, ასეთ გადაწყვეტილებებს მივყავართ ეროვნულ თანხმობამდე. თანხმობა არ ნიშნავს სიყვარულს, თანხმობა ნიშნავს სამართლიან სამოქალაქო წესრიგზე შეთანხმებას. მოქალაქეების მონაწილეობა მართლმსაჯულებაში და მოქალაქეების მონაწილეობის გაფართოება ყველაზე მოკლეგზაა დამოუკიდებელი და ღირსეული მართლმსაჯულებისკენ, რომელსაც აქვს საზოგადოების ნდობა! კარგი დღეა დღესაც!გუშინ სტრასბურგი! დღეს – ნაფიცი მსაჯულების ვერდიქტი!“ – წერს ჩერგოლეიშვილი.
2020 წლის 16 თებერვალს, გუდაურში ახალგაზრდა მამაკაცი მოკლეს, ერთი კი დაჭრეს. აღნიშნულთან დაკავშირებით, სამართალდამცავებმა მერაბ კობიაშვილი დააკავეს. კობიაშვილს მკვლელობას, მკვლელობის მცდელობასა და ძალადობას ედავებოდნენ. ამასთან, პროკურატურამ მერაბ კობიაშვილის მიმართ ჯგუფურად განხორციელებული ძალადობის ფაქტზე ბრალი 6 პირს წარუდგინა და მათი საქმე ცალკე წარმოებად გამოიყო.
კომენტარები