გუდაურში მომხდარი მკვლელობის საქმეზე ბრალდებული მერაბ კობიაშვილი ნაფიცმა მსაჯულებმა ერთხმად გაამართლეს.
როგორც „პრაიმტაიმთან“ საუბრისას მოკლული თამაზ გორთამაშვილის რძალი, ნინო გულიაშვილი ამბობს, ეს გადაწყვეტილება მათთვის მოულოდნელი იყო.
„არ ვიცი,საერთოდ თუ აქვს რამის თქმას აზრი, აღარ ვიცი… რა უნდა ვთქვა? არ ვუშვებდი, რომ ამ გადაწყვეტილებას მიიღებდნენ. სასამართლო დარბაზში თითოეული დეტალის განხილვა ისე დეტალურად მიდიოდა, არ მეგონა, რომ 12 ადამიანი ვერ გაიგებდა, სინამდვილეში იქ, რა მოხდა. მეგონა, მათთვის ადამიანის სიცოცხლეს რაიმე ფასი ჰქონდა. სულ მცირე ოდენი მაინც. ვიღაც კრიმინილაზე, დამნაშავეზე ხომ არაა საუბარი. 28 წლის ახალგაზრდა ბიჭზე ვსაუბრობთ. თურმე, ძაღლის ფასიც არ ჰქონია, ადამიანის სიცოცხლეს დღეს, ჩვენს ქვეყანაში,“ – განგვიცხადა თამაზ გორთამაშვილის რძალმა.
კომენტარები