კვლევები მიუთითებენ, რომ „ომიკრონი“ მიმდინარეობს მსუბუქად, გაციების მსგავსად და არ ახასიათებს გრიპის მაგვარი გამოვლინებები – ამის შესახებ იმუნიზაციის მრჩეველთა ეროვნული ტექნიკური ჯგუფის ხელმძღვანელმა, იაშვილის სახელობის ბავშვთა ცენტრალური საავადმყოფოს სამედიცინო დირექტორმა ივანე ჩხაიძემ განაცხადა.
„ის ინფორმაცია, რომელიც „ომიკრონთან“ დაკავშირებით დღეს გვაქვს, გარკვეულწილად პოზიტიურია, ვინაიდან სამხრეთ აფრიკაში ჩატარებული კვლევები, ასევე შედარებით მცირერიცხოვანი კვლევები დიდ ბრიტანეთსა და ამერიკის შეერთებულ შტატებში მიუთითებენ, რომ ეს დაავადება მიმდინარეობს მსუბუქად, გაციების მსგავსად და არ ახასიათებს გრიპის მაგვარი გამოვლინებები, რითაც განსაკუთრებით„ დელტა“ ვარიანტი ხასიათდება. საშუალოდ სამი დღე გრძელდება, მსუბუქი სიმპტომებით. დაბალი ტემპერატურა, ყელის ტკივილი, იშვიათი ხველა, მსუბუქი თავის ტკივილი. თუ ეს მონაცემები დადასტურდა სამხრეთ აფრიკიდან და სხვა ინფორმაციაც დადასტურდება, ჩვენთვის განსაკუთრებით მნიშვნელოვანია, ევროპის მონაცემები, მაშინ შეიძლება ითქვა, რომ „ომიკრონი“ არის ახალი მუტაცია, რომელიც ძალიან სწრაფად ვრცელდება, მაგრამ კლინიკური მიმდინარეობის მიხედვით, გაცილებით უფრო მსუბუქია, ვიდრე „დელტა“ ვარიანტი“, – განაცხადა ივანე ჩხაიძემ.
კომენტარები