ევროპარლამენტმა რუს ოპოზიციონერ ალექსეი ნავალნის, რომელიც ვლადიმირ პუტინის რეჟიმის პოლიტიკური პატიმარია, ანდრეი სახაროვის სახელობის პრემია მიანიჭა. ადამიანის უფლებების სფეროში ეს ევროკავშირის უმაღლესი ჯილდოა. ის ალექსეი ნავალნის ნაცვლად მის შვილს, დარია ნავალნაიას გადაეცა.
სიტყვით გამოსვლაში 20 წლის ნავალნაიამ რუსეთის მზარდ ავტორიტარიზმსა და ევროპელი პოლიტიკოსების „პრაგმატიზზმე“ ისაუბრა და თქვა: “ჩვენ ვიცით მხოლოდ წარუმატებელი მკვლელობების მცდელობების შესახებ, მაგრამ რამდენი იყო წარმატებული?”
2020 წლის 20 აგვისტოს რუსი ოპოზიციონერი ალექსეი ნავალნი რუსეთის ქალაქ ტომსკში მოწამლეს, რის შედეგადაც ის კომაში ჩავარდა. გერმანიაში გავლილი მკურნალობის შემდეგ ის სამშობლოში დაბრუნდა, სადაც კომპანია „ივ როშეს“ თანხების მითვისების ბრალდებით დააკავეს და სამწლიანი პატიმრობა მიუსაჯეს.
კომენტარები