“ეს პოლიტიკანები რომ ამოწურავენ ჩიჩილაკთან ვიზიტებს, მერე იქნებ იმ მშიერი ბავშვების ფოტოებიც მაჩვენოთ, ვინც მაგ ეზოში გახარებული ჟრიამულობდა…” – ყალაბეგაშვილი

ფოტო – გოგა ჩანადირი

გამომცემლობა “კალმოსანის” დამფუძნებელი, ხვიჩა ყალაბეგაშვილი:

“იმდღეს გოგა ჩანადირი-ს ედო პრეზიდენტის ჩიჩილაკის და ბრჭყვიალა ეზოს ფოტო (ლამაზი კი იყო), მეთქი, ტეხავს ამდენ მოშიმშილე ბავშვში ასეთ რამეებში ფულის ყრა და ზეიმი… გოგამ, ახალი წელი ბავშვებისაა და მათთვის კეთდება, უნდა გიხაროდესო…

ჰოდა, იმ უამრავ მეკომენტარესთან, ბოღმა და შტერი რომ მეძახეს საქმე არ მაქვს… ეს დღეები, მხოლოდ იმათ ფოტოებს ვხედავ სალომეს ჩიჩილაკთან, ვისაც არც შია, არც სწყურია და ალბათ სალომეს შამპანურსაც დაიწუნებს, რადგან სახლში უკეთესი აქვთ… ეს პოლიტიკანები, სელებრითები და ქოცებთან გათანაბრებული პირები რომ ამოწურავენ ჩიჩილაკთან ვიზიტებს, სელფებითურთ, მერე იქნებ იმ მშიერი ბავშვების ფოტოებიც მაჩვენოთ, ვინც მაგ ეზოში გახარებული ჟრიამულობდა…”