შსს-მ სპეცოპერაციების შედეგად 9 ადამიანი დააკავა და შსს-ს მტკიცებით, ისინი “ქურდული საერთოს” შეგროვებას აიძულებდნენ თბილისის საერთაშორისო აეროპორტში მომუშავე კერძო ტაქსის მძღოლებს. შსს-ს მტკიცებით, მაისიდან მოყოლებული, სწორედ “ქურდული სამყარო წყვეტდა, ვინ იმუშავებდა აეროპორტის შესასვლელთან და ვინ ვერა.
შსს-ს არ უთქვამს, მაისიდან დღემდე, 8 თვის მანძილზე, როგორ არ მოხერხდა ამ ამბის გამოძიება და როგორ მოხდა, რომ მინიმუმ 8 თვის მანძილზე, ქვეყნის აეროპორტის შესასვლელს, ფაქტიურად სახელმწიფო კი არა, “ქურდული სამყარო” აკონტროლებდა. რას ნიშნავს და როგორ უკრძალავდა ტაქსის მძღოლებს აეროპორტის ტერიტორიაზე მუშაობას და აეროპორტის შესასვლელთან მისვლას “ქურდული სამყარო”? მით უფრო, რომ ადგილზე არის დაცვა, კამერები. სად იყო მთელი ეს დრო სახელმწიფო? – ამ თემაზე გომელაური უწყებას არ უსაუბრია.
შსს-მ აუდიოჩანაწერიც გაავრცელა:
-100 დოლარი და ხუთასი ლარი…
-ეს ფული “ვაბშე” სხვაგან მიდის, ძმა…
-ფულს მახევ და არ ვიცოდე, ვისთან მიდის?
-ჩემი ტრაკით ხომ მუშაობ? ჩემი მოსაცემი მომეცი…
-წიხლს მაჭერთ რაა…
…
-ჩემ გარდა ხალხია და ოფიციალურადაა 4 კაცისთვის ფული მისაცემი… ჩემთან მოდის 2 კაპიკი, მაგის დედას შევე@ი…
…
-რო იცი რო გადაწყვეტილებაა, როგორ იღებ ამდენს შენ თავზე-თქო, გაიგე, რომ ამ ყველაფერს პატივს არ ცემ და ვიღაცა @ლეები შიგნით შეგყავს, მოგი@@ნავ დედასთქო და ახლა ეს ყველაფერი უთხარი აკურატნად…
-ზევით ვინაა სახელი უთხარი?
-ზევით იკაა მეთქი, ყალიჩავა
-რატომ, ძმაო, რას იძახი, გავლახავთ და მერე მიხვდება შემოსვლაზე…
…
-შენ ხარ მძღოლი და შენი სალაპარაკლო არაა ეს თემა, რასაც იშოვის დღე და ღამე გატეხავს შუაზე, ქურდული და ქუჩური ასეა…
-2 კლიენტი რომ გეიყვანო ძაან მეეწონება იმ ბიჭს შენი საქციელი და გაგიშვებს წინა პლანზე, ჩვენსავით…
კომენტარები