საზოგადოებრივი ჯანდაცვის ექსპერტი, პროფესორი გიორგი ფხაკაძე სოციალურ ქსელში კორონავირუსის ახალ შტამ “ომიკრონთან” დაკავშირებით უახლეს ინფორმაციას ავრცელებს.
“კოვიდის “ომიკორნის” ვარიანტი უფრო ვერაგია, ვიდრე ეს ვინმეს წარმოედგინა!
სამწუხაროა, მაგრამ ჯერჯერობით ამ ბრძოლაში კოვიდი იმარჯვებს.
სავარაუდოდ, ბუსტერი ანუ მე-3 აცრა იქნება საჭირო 90 დღეში მე-2 აცრიდან!
მე-4 და მომდევნო დოზების შესახებ ჯერ ზუსტი ინფორმაცია არ არის. სავარაუდოდ, მე-4 დოზა მე-3 დან მაქსიმუმ 180 დღეში იქნება საჭირო, მაგრამ დეტალები 3-4 კვირაში გვეცოდინება. შესაძლოა, 90 დღეში იყოს საჭირო. მთავარი აქ არის, თუ რამდენად გიცავთ აღნიშნული ვაქცინა. ვაქცინების მწარმოებლები უკვე მუშაობენ უფრო გაუმჯობესებულ ვაქცინაზე, რომელიც შესაძლოა 6 ან 9 ან 12 თვეში ერთხელ იყოს საჭირო….
პირველ რიგში უნდა დავიცვათ ყველაზე დაუცველები, 60 წელს გადაცილებული მოქალაქეები და ვისაც აქვთ ქრონიკული დაავადებები!
ყველასთვის საკმარისი რაოდენობის ვაქცინები ვერ იქნება. მსოფლიოში უკვე არსებულ დეფიციტს, ბუსტერ დოზებზე ჭარბი მოთხოვნა დაემატა და კიდევ უფრო დიდი დეფიციტია შექმნილი!
აუცილებლად გამოიყენეთ სამედიცინო პირბადე, აცრილებმაც და აუცრელებმაც!
ჯანმრთელობას გისურვებთ….”, – წერს გიორგი ფხაკაძე.
კომენტარები