რუსულ მედიაში გავრცელებული ინფორმაციით, უკრაინის საზღვრისკენ რუსეთის არმიის ჯავშანტექნიკის კიდევ ერთი ეშელონი მიემართება. იგი საზღვრიდან სულ რაღაც რამდენიმე ათეულ კილომეტრში იმყოფება.
ბოლო პერიოდში რუსეთის აგრესიის ეს მორიგი გამოხატულება თითქოს გასაკვირი არ უნდა იყოს, მაგრამ თვითმხილველებმა ამ ეშელონს “უცნაური” უწოდეს. საქმე იმაშია, რომ რუსულ ტანკებს, ჯავშანმანქანებსა და სხვა მძიმე ტექნიკას ტაქტიკური ნომრები ან გადაშლილი, ან საერთოდ არ აქვს (იხ. ფოტოები).
როგორც წესი, ამ მეთოდს იმისთვის იყენებენ, რომ მოწინააღმდეგემ ვერ ამოიცნოს, თუ რომელ კონკრეტულ ქვედანაყოფს ეკუთვნის ესა თუ ის სამხედრო ტექნიკა.
აქედან გამომდინარე, ექსპერტები სვამენ კითხვას, ხომ არ არის ეს ტანკები და სხვა საბრძოლო მანქანები სეპარატისტების შეიარაღების გაძლიერებისთვის განკუთვნილი და მათი დანიშნულების ადგილი არა უკრაინის საზღვარი, არამედ დონბასის რეგიონი.
წყარო: ნიუპოსტი
კომენტარები