რუსული მედიის ინფორმაციით, ლიბერალურ დემოკრატიული პარტიის ლიდერ ვლადიმერ ჟირინოვსკი აცხადებს, რომ 2022 წლის თებერვალში დონბასში მასშტაბური სამხედრო მოქმედებები დაიწყება რუსული არმიის მონაწილეობით. მისი თქმით, ეს კონფლიქტი ზამთრის ოლიმპიადის დროს მოხდება. აღნიშნული განცხადება სკანდალურმა პოლიტიკოსმა ЛДПР ТВ-ს ეთერში გააკეთა.
“ჩვენი მიზანი დონბასის მშვიდობიანი მოსახლეობის დაცვაა, უკრაინის არმია უნდა გავაძევოთ დონბასიდან. კიევზე წასვლა საჭირო არ არის, მიუხედავად იმისა, რომ მოსკოვს ეს შეუძლია,” – აცხადებს ჟირინოვსკი.
გარდა ამისა, რუსმა პოლიტიკოსმა კრემლს მოუწოდა დასავლეთს მკაცრი ულტიმატუმი წაუყენოს.
შეგახსენებთ, რომ 2008 წელს კრემლმა საქართველოსთან ომი სწორედ ოლიმპიადის მიმდინარეობის დროს დაიწყო.
კომენტარები