“ნუ გადაჭრით საკითხს ნაჯახით“ – ნინო ჯანგირაშვილი აზარტულ თამაშებთან დაკავშირებული კანონპროექტის შეჩერებას ითხოვს

 პარლამენტის კომიტეტი დაჩქარებული წესით განიხილავს კანონს  აზარტულ თამაშებთან დაკავშირებით კანონმდებლობის გამკაცრებაზე. გაერთანებული კომიტეტების სხდომაზე, რომელიც საათზე მეტია ხმაურის ფონზე მიმდინარეობს, ტელეკომპანია “კავკასიას” დირექტორი, ნინო ჯანგირაშვილი “ქართულ ოცნებას” მოუწოდებს, რომ კანონპროექტი მიღება განხილვამდე გადადოს. 

მე მოგიწოდებთ და გთავაზობთ, რომ გადადოთ ეს საკითხი., რაც შეეხება რეკლამის და მედიის ნაწილს. მოგიწოდებთ, ვიმუშავოთ შეზღუდვებზე, ფორმა მოვიფიქროთ. პირადად ჩემი არხი არ ზარალდება ამის აკრძალვით, მაგრამ ეს იქნება გონივრული. დავადგინოთ რაღაც გარდამავალი პერიოდი. ასე ნაჩქარევად ეს საკითხი არ გაიტანოთ,ვიცი რომ გაქვთ უმრავლესობა, მაგრამ ჩვენი ინდუსტრიის თხოვნაა, რომ ეს არ გააკეთოთ. მოვისმინოთ არგუმენტები. მოდი ნუ გადაჭრით ამ საკითხს ნაჯახით”, – ამბობს ნინო ჯანგირაშვილი.