ფეხსაცმელები ვის რა აცვია იმას დასდევენ და იქაც იტყუებიან, აბა ერთი-ორი კვირა სცადოს ვინმემ არ მოიტყუოს, არ დააბრალოს – რას სთავაზობს მამუკა მდინარაძე ოპოზიციას

ოპოზიციას არანაირი შერიგების და პოზიტიური დღის წესრიგის შექმნის მიზანი არ გააჩნია – ამის შესახებ ფრაქცია “ქართული ოცნების” თავმჯდომარემ მამუკა მდინარაძემ პლენარულ სხდომაზე განაცხადა. მდინარაძე ოპოიზიას სთავაზობს ორი კვირა მაინც შეიკავონ თავი ტყუილის გავრცელებისგან

სინამდვილეში ხდება ერთი მარტივი რამ: ერთ დღეს რომ ღმერთი გაუწყრეთ და სიმართლე თქვან – ყველაფერი ვცადეთ, ყველაფერი ვიკადრეთ, ყველაფერი გაკადრეთ, რომ ეს ქვეყანა აგვეყირავებინა, მოგრეოდით, ვერ მოგერიეთ და ახლა ავაფრიალეთ თეთრი დროშები – ეს არის. მარტივი ამბავია, რომ ყველაფერი იკადრეს, რომ სიტუაცია არეულიყო თავისი ყოფილი პრეზიდენტის და დამნაშავის ქვეყანაში ჩამოსვლით, მაგრამ ამანაც ვერ იმოქმედა და ახლა, როდესაც დარწმუნდნენ, რომ ეს ხალხს არ აღაშფოთებს, რაც ხდება, რომ თითქოს მისი პატიმრობა არის უკანონო, მეტიც – პოლიტიკური, ეს არ არის საკმარისი ხალხის აღშფოთებისთვის და ახლა დაგნებდით და მოდი, შევრიგდეთ და გვაპატიეთ – ამ სიტყვასაც არ გამოვიყენებთ.

ვთავაზობ – ორი კვირა მაინც მოითმინონ, თუ მოხდება ისე, რომ მათი ტელევიზიები, თავადაც, ტყუილს არ იტყვიან, არაფერს დააბრალებენ. მათი ტელევიზიები ისე ფსკერზე ჩავიდნენ, რომ ვის რა ფეხსაცმელი აცვია, იმას დასდევენ და ოღონდ, იქაც იტყუებიან. ხომ ჩავიდნენ ფსკერზე და ფსკერიდანაც იტყუებიან. 1-2 კვირა აბა ცადოს ვინმემ, რომ არ მოიტყუოს, არ დააბრალოს”,- განაცხადა მამუკა მდინარაძემ.