არა მწვანე პასპორტებს… არა სეგრეგაციას – ამის შესახებ პარტია გირჩის ლიდერმა იაგო ხვიჩიამ პარლამენტში განაცხადა და აღნიშნა, რომ საქართველოს შეზღუდვების და აკრძალვების ხელისუფლებაჰყავს.
„მე მესმის, რომ თქვენ ხართ შეზღუდვების მოყვარული ხელისუფლება, მგონია რომ მოგწონთ ეგ როლი და ხშირად ამბობთ თქვენ მზრუნველი მთავრობა ხართ. მაგრამ სინამდვილეში თქვენ ხართ შეზღუდვების და აკრძალვების ხელისუფლება რაც აქამდე გვყოლია. მე მგონია რომ ხალხი ერთხელ და სამუდამოდ გადაგირჩევთ თქვენ, ოდესღაც მობეზრდებათ აი ის რაც ახლა ჩემს მაგიდაზე ხდება, ყველა კანონი ადამიანი შემზღუდველია და ამას როგორც მზრუველობის მოტივს ისე აფასებთ. ვეცდები აგიხსნათ თუ რატომაა ასეთი მზრუნველობა შეურაცხმყოფელი, როდესაც ის სრულწლოვან ადამიანებზე ვრცელდება. მაგალითად შეურაცხმყოფელია, როდესაც სრულწლოვან ადამიანებს მშობელი 9 საათზე დაგვაძინებს, მერე თუ კარგად მოვიქცევით ორი საათით გაგვიგრძელებს ვადას და 11 საათიდან დაგვაძინებს, შეურაცხმყოფელია, როდესაც დიდი ხარ და გეუბნებიან რომ ვიღაცასთან ერთად კაფეში არ იარო, იმიტომ რომ შენთვის ასე ჯობია ან გაკვეთილიდან, პარლამენტის სხდომიდან, სკოლიდან – პირდაპირ სახლში წამოდი. ხო გინახავთ ისეთი მშობლებიც, ზედმეტი მზრუნველობით შვილებს მეგობრებთან საქმეს რომ უფუჭებენ, შეიძლება ამით სამუდამოდაც კი კარგავენ მათ. შვილების ადგილას წარმოიდგინეთ ადამიანები, რომლებსაც თქვენ აუკრძალეთ 70% ურთიერთობა და თუ ურთიერთობა ექნებოდათ გატყიპავდით. რამდენი ურთიერთობა დაანგრიეთ ასე… მე მგონია რომ ძალიან სირცხვილია ამ ხალხთან, ჩემთანაც სირცხვილია… რატო არ მიშვებთ კაფეებში ბარებში რა დაგიშავეთ? რამდენხანს გააგრძელებთ ადამიანების დაყოფას ამ ხელოვნური გზით. არა მწვანე პასპორტებს… არა სეგრეგაციას“ – განაცხადა იაგო ხვიჩიამ.
კომენტარები