შერიგება ხდება მაშინ, როდესაც შენ სულ მცირე რაღაც წამართვი, რაღაც მომპარე, რაც დამინგრიე, იმას დამიბრუნებ, მერე მოინანიებ, ბოდიშს მოიხდი, ხელს გამომიშვერ და შეიძლება, ჩამოგართვა ხელი – – ამის შესახებ ოპოზიციონერმა დეპუტატმა, დავით ზილფიმიანმა პარლამენტის პლენარულ სხდომაზე სიტყვით გამოსვლის დროს განაცხადა.
რას ნიშნავს შერიგება? ყველა ჩამოვყალიბდით და ვფორმირდებოდით რაღაც გარემოში, ცხოვრების რაღაც ნაწილი გვაქვს გავლილი. შერიგება ხდება მაშინ, როდესაც შენ სულ მცირე რაღაც წამართვი, რაღაც მომპარე, რაც დამინგრიე, იმას დამიბრუნებ, მერე მოინანიებ, ბოდიშს მოიხდი, ხელს გამომიშვერ და შეიძლება, ჩამოგართვა ხელი. იცი რა? რაც გაგიკეთე, გაგიკეთე და ახლა მოდი შევრიგდეთ – აი, ეს არ არის შერიგება. შერიგების ერთადერთი ფორმულა ზილფიმიანმა დადო ერთი თვის წინ, ეს არის ერთადერთ გამოსავალი, რომ მორატორიუმი გამოაცხადოს პირველივე არჩევნებზე „ნაციონალურმა მოძრაობამ“. უარი განაცხადოს არჩევნებში მონაწილეობაზე, მხოლოდ ეს არის, ამ შემთხვევაში მივიღებთ, რომ მათ მიერ დეკლარირებული პოზიცია, რომ ქვეყნისთვის კარგი და კოალიციური მთავრობა პირველ რიგშია და არა საკუთარი მობობღება ხელისუფლებაში, ეს დამტკიცდება. ისემც თქვენ რა გითხარით, რომ ასე არ გინდოდეთ“, – განაცხადა ზილფიმიანმა.
მისივე თქმით, ამ შემთხვევაში, გაიზრდება ის ოპოზიციური პარტიები, რომლებიც დღეს ველზე არიან.
„ნაციონალური მოძრაობის“ მხარდამჭერთა ხმები არ დაიკარგება, ისინი ჰარმონიულად გადაანაწილებენ თავისი ინტერესის მიხედვით სხვა დანარჩენ პარტიებზე და გარკვეული ოდენობა „ოცნების“ ხმებისა, რომლებიც „ოცნებას“ მხოლოდ იმიტომ აძლევენ ხმას, რომ „ნაციონალები“ არ მოვიდნენ, ისიც გარკვეულწილად გადანაწილდება, ეს არის გარანტირებული ფორმულა კოალიციური მთავრობისა, შემდეგ არჩევნებზე, თუ არადა კვლავ გარანტორებად დარჩებით „ოცნების“ მეოთხე ვადით მოსვლაზე. ყველაფერი გამიგია, სამი მეგობარი ჯუჯის ამბავიც, სამი მუშკეტერიც და სამ პრეზიდენტსაც მალე გავიგებთ, მაგრამ ეს არის შინაარსისგან დაცლილი ვითარება და ცარიელი კასრია, სწორედ ამიტომ არის დიდი ხმაური, რომ ცარიელი კასრი ყოველთვის დიდად ხმაურობს“, – განაცხადა ზილფიმიანმა.
კომენტარები