უკიდურესი ცინიზმია, როდესაც სააკაშვილი და მისი მხარე საუბრობს, რომ სააკაშვილს საზღვარგარეთ რეაბილიტაცია ესაჭიროება. თურმე, ახლა ხელისუფლებამ ის ბადენ-ბადენში უნდა გადაიყვანოს, – ამის შესახებ პარლამენტის ვიცე-სპიკერმა არჩილ თალაკვაძემ „ქრონიკაში“ ჩართვისას განაცხადა.
„უკიდურესი ცინიზმია, როდესაც სააკაშვილი და მისი მხარე საუბრობს, რომ სააკაშვილს საზღვარგარეთ რეაბილიტაცია ესაჭიროება. თურმე, ახლა ხელისუფლებამ ის ბადენ-ბადენში უნდა გადაიყვანოს, ისიც იმ გადაწყვეტილების გამო, რომ მან იშიმშილა და თავად გაიუარესა ჯანმრთელობა – ე.ი საკუთარი შიმშილობის შემდგომი რეაბილიტაციისთვის იშიმშილა, ასე გამოვიდა. და დღეს კიდევ სახელმწიფოს უბედავს და აშანტაჟებს, რომ ის თურმე საზღვარგარეთ უნდა გადაიყვანონ და რეაბილიტაცია ბადენ-ბადენში უნდა ჩაუტარდეს. ეს არის ცინიზმი. ეს არის საკუთარი მოქალაქეების დაცინვა, მე ასე მიმაჩნია. ასევე, სააკაშვილისა და მისი პოლიტიკური გუნდის მხრიდან ადგილი აქვს ექიმებზე პოლიტიკურ ზეწოლას და საერთოდ, სამედიცინო საკითხების პოლიტიზების ყოველდღიურ მცდელობას“, – განაცხადა თალაკვაძემ.
თალაკვაძის თქმით, ოპოზიცია ილუზიებში ცხოვრობს და რეალობას სრულიად მოწყვეტილია.
სააკაშვილის გუნდი აცხადებს, რომ მილენიუმის აქტი იქნება ეს შერიგებაო, ანუ მილენიუმი ვიცით, რომ ათასწლეული. გამოდის, რომ ეს ადამიანები კიდევ ერთხელ ილუზიებში არიან და რეალობას მოწყვეტილები არიან. მიაჩნიათ, რომ ბოლო ათასი წლის განმავლობაში საქართველოს ისტორიაში არ მომხდარა რამე უფრო მნიშვნელოვანი, ვიდრე სააკაშვილის შესაძლო შერიგება მართველ გუნდთან. საკუთარ თავზე რამხელა წარმოდგენა აქვთ, ხომ წარმოგიდგენიათ.
კომენტარები