მაინტერესებს სხვადასხვა პოლიტიკური შეხედულებების მქონე ადამიანები როგორ ხედავენ გამოსავალს კრიზისიდან – პარტია „დროას“ დამფუძნებელი,ელენე ხოშტარია საზოგადოების სხვადასხვა სფეროს წარმომადგენლებს ხვდება. “დროას” ლიდერის თქმით, მისთვის მნიშვნელოვანია, სხვადასხვა პოლიტიკური შეხედულებების მქონე პირების აზრის მოსმენა პოლიტიკური ჩიხიდან გამოსასვლელად.
ეს აღარ არის რაღაც პროპაგანდისტული შეხვედრა, აქ მე მართლა გულწრფელად მაინტერესებს სხვადასხვა პოლიტიკური შეხედულებების მქონე ადამიანები როგორ ხედავენ გამოსავალს კრიზისიდან, როგორ აფასებენ სიტუაციას. მე ვაპირებ, რომ ვისაუბრო სააკაშვილის უფლებებთან და მდგომარეოაბსთან დაკავშირებით და ასევე სალომე ზურაბიშვილის შეთავაზებაზე იმ შანსებზე და რისკებზე, რასაც ეს შეთავაზება აჩენს”, – თქვა ელენე ხოშტარიამ.
კომენტარები