ხმაური და სიტყვიერი დაპირისპირება ბათუმის მერიაში – ოპოზიციის წევრები არჩილ ჩიქოვანის კაბინეტიდან პოლიციამ ძალის გამოყენებით გაიყვანა.
ოპოზიცია ბათუმში უკანონო მშენებლობებს აპროტესტებს, მათ მერს აუდიტის დასკვნა წარუდგინეს, რომლის მიხედვითაც ბათუმში 119 მშენებარე ობიექტიდან 49 უკანონოა. გარდა ამისა, ოპოზიციონერები არჩილ ჩიქოვანისგან მოითხოვენ პასუხს, რატომ შენდება ე.წ. ჩინური კვარტალი, რომლის არსი გაუგებარია.
მას შემდეგ, რაც ოპოზიციის წევრებმა კაბინეტის დატოვებაზე უარი თქვეს, არჩილ ჩიქოვანმა საკუთარი სამუშაო ოთახი თავად დატოვა.
ისინი ამ დროისთვისაც მერიის შენობაში რჩებიან და ტერიტორიის დატოვებას არ აპირებენ.
“ადამიანს ვეუბნები და მოვუტანე დოკუმენტი, სადაც ასახულია კორუფცია მერიაში და კონკრეტულად ამ სამსახურში. რა პასუხი უნდა მიიღო ჩინური კვარტლის ამშენებელი მერისგან, რომელიც ხმას არ იღებს და ამ ქალაქის უბედურება, ქალაქელებმა რომ იცოდნენ აი, აქ არის. ჩვენ ვაგრძელებთ ბოლომდე ბრძოლას იმისათვის, რომ ამ ქალაქში იყოს ნორმალური სამსახური, რასაც მერიის სამსახური ჰქვია,”- განაცხადა ენმ-ს წევრმა რევაზ ხარაზმა.
კომენტარები