თბილისში საახალწლო სამზადისი დაიწყო. ქვეყნის მთავარი ნაძვის ხე, პარლამენტის შენობის წინ საზეიმოდ აინთო. ნაძვის ხის ანთებამდე მოსახლეობას დედაქალაქის მერმა, კახა კალაძემ და პრემიერ-მინისტრმა, ირაკლი ღარიბაშვილმა მიმართეს.
„მივესალმები თბილისს, მივესალმები სრულიად საქართველოს, ყველა ქართველს, რომლებიც დღეს საზღვრებს გარეთ იმყოფებიან და იქიდან გვადევნებენ თვალს. მინდა, საქართველოს დედაქალაქიდან, თბილისიდან მივულოცო ჩვენს ქართველებს.
მინდა, ყველას გთხოვოთ, მეტი სიყვარული, მეტი პატივისცემა. ყველაფერი ცუდი, რაც იყო 2021 წელს, რა თქმა უნდა, უნდა გავატანოთ წარსულს“, – განაცხადა კახა კალაძემ.
პანდემიის გამო, ორწლიანი პაუზის შემდეგ, წელს ახალი წელი ისევ სახალხო იქნება. ქალაქის მთავრობა დედაქალაქის მოსახლეობას გრანდიოზულ გალა-კონცერტს ღია ცის ქვეშ 7 იანვარს, შობის ღამესაც შესთავაზებს.
2022 წლის შესახვედრად მერიის მიერ 3 მილიონი ლარია გამოყოფილი.
კომენტარები