ჯანდაცვის მინისტრის, ეკეტერინე ტიკარაძის თანამდებოიდან გადადგომას ჯანდაცვის ყოფილი მინისტრი, ზურაბ ჭიაბერაშვილი სოციალურ ქსელში ეხმიანება.
„ჯანდაცვის მინისტრის გადადგომაზედ.
1. კორონაპანდემია არაა უბრალოდ ჯანდაცვის კრიზისი. ის მრავალფაქტორიანი საზოგადოებრივი კრიზისია. იგი მთავრობამ უნდა მართოს. ოღონდ ჯანდაცვის უწყებაზე დაყრდნობით.
2. არც გახარიას და, მით უმეტეს, არც ღარიბაშვილს ეს კრიზისი ჯანდაცვის უწყებაზე დაყრდნობით არ უმართავთ. კოვიდით გარდაცვლილი 12,466 ადამიანიდან ნახევარზე მეტი – 6,275 ადამიანი ბოლო 4 თვეში (აგვისტო, სექტემბერი, ოქტომბერი, ნოემბერი) გარდაიცვალა, მას შემდეგ, რაც ღარიბაშვილმა სრულად მოშალა ეპიდემიის ისედაც სუსტი და პრობლემური მართვა.
3. სამედიცინო ელიტას თუ ჰგონია, რომ ტიკარაძის წასვლით 520-ე დადგენილებას შემოატრიალებს, ძალიან ცდება. 520-ე დადგენილება ფორმალურად გახარია-ტიკარაძის დროს შეიქმნა, მაგრამ მისი მიღების ბედისწერა 2013 წელს დაიწერა – როდესაც სერგეენკომ საყოველთაო ჯანდაცვის დაფინანსების მანკიერი წესი შემოიღო. მალე გამოილევა კოვიდეპიდემიის გამო მიღებული დონორული დაფინანსება და ღარიბაშვილ-ახალ მინისტრის მოუწევთ 520-ე დადგენილების კარდიოქირურგიის მიღმა სხვა სამედიცინო სფეროებზე გავრცელება. ტარიფიკაცია და სელექციური კონტრაქტირება სამედიცინო ბაზარზე დიდი გადანაწილების, ფინანსური რყევების და მომსახურების ხარისხის დაქვეითების წყარო გახდება,“- წერს ზურაბ ჭიაბერაშვილი.
კომენტარები