„საერთაშორისო გამჭირვალობა-საქართველოს“ აქვეყნებს ანგარიშს, რომლის თანახმად, პარლამენტის წევრების არადეკლარირებული ბიზნეს აქტივები და მათ სტატუსთან შეუთავსებელი მეათე მოწვევის პარლამენტში საქმიანობა პრობლემას წარმოადგენს.
„საერთაშორისო გამჭირვალობა-საქართველოს“ ახალი ანგარიში მიუთითებს, რომ პარლამენტის წევრების არადეკლარირებული ბიზნეს აქტივები და მათ სტატუსთან შეუთავსებელი საქმიანობა პრობლემას წარმოადგენს მეათე მოწვევის პარლამენტშიც.
ოფიციალური მონაცემების შესწავლის საფუძველზე გამოიკვეთა, რომ: ბიზნესთან კავშირი აქვს 62 დეპუტატს, 23 -მა დეპუტატმა არასრულად დაადეკლარირა წილები 25 შემთხვევაში წილები სამართავად არ გადაუციათ სხვა პირებისთვის 12 დეპუტატი პარალელურად რეგისტრირებულია კერძო კომპანიის ხელმძღვანელად.
ჩვენი რეკომენდაციები: საქართველოს პარლამენტის საპროცედურო საკითხთა და წესების კომიტეტმა განახორციელოს აღნიშნულ შემთხვევებზე ზედამხედველობა, კანონით გათვალისწინებული უფლებამოსილების ფარგლებში შეისწავლოს კვლევაში მითითებული შემთხვევები და მოახდინოს რეაგირება; საჯარო სამსახურის ბიურომ წარმოდგენილი ინფორმაციის საფუძველზე დაიწყოს კვლევაში აღნიშნული პირების ქონებრივი მდგომარეობის დეკლარაციების მონიტორინგი“ – ვკითხულობთ „საერთაშორისო გამჭირვალობა-საქართველოს“ ანგარიშში.
კომენტარები